Di qenaya Xabûrê de av diherike
Piştî projeya jinûve tamîrkirina qenayê bi dawî bû, stasyonan dest bi pompekirina avê li qenaya avê ya Xabûrê kir.
Desteya Çandinî û Avdanê ya Rêveberiya Xweseriya Demokratîk a Kantona Dêrazorê projeya jinûve tamîrkirin û seretastkirina qenaya avdanê ya Xabûrê ya bi dirêjahiya 50 kîlometre dabû destpêkirin.
Bi bidawîbûna xebatên tamîrkirinê re, desteyê ragihand ku dest bi pompekirina avê bo qenayê hat kirin û stasyonên avê ketin xizmetê.
Desteyê diyar kir ku ew ê qonaxa duyemîn a projeyê ku av bigihîne bajarê Hesekê temam bike.
Projeya pompekirina avê li qenayê ku xwe dispêre 3 stasyonên dehfdana avê heta bi bajarokê Siwer xizmetî 220 hezar donimên çandiniyê dike.
Ev proje, ji 270 hezar welatiyan re bi rêya 5 stasyonên sereke ava vexwarinê peyda dike. Navên wan stasyonan wiha ne: Herîze, Herîciye, Siwer û Mergede.
(fr)
ANHA
