Cotkaran xwest buhayê kirîna genim bê zêdekirin
Cotkarên Reqayê xwest buhayê kirîna genim were zêdekirin, di heman demê de komîteyên Desteya Çandinî û Sewalvaniyê yên Kantona Reqayê pêşbîn dikin ku genimê avdayî îsal baş be.
Bi nêzîkbûna demsala çinînê li kantona Reqayê, cotkar xwe amade dikin ji bo çinîna berhemên xwe. Xwediyên deraseyan jî ji bo demsala çinînê amadekariyan dikin.
Ebdullah El Hisên ê xwediyê deraseyekê ji mezra El Qadisiyê ya li rojhilatê Reqayê got: “Xebatên ji bo amadekirina deraseyên çinînê didomin. Em deraseyan vedikin, paqij dikin, parçeyên xerabûyî diguherin û ji nû ve siwar dikin. Rewşa îsal li gorî salên borî dijwar e, ji ber bandora hişkesaliyê li ser zeviyên bejî û bilindbûna buhayê sotemeniyê.”
Ebdullah El Hisên bang li Rêveberiya Xweser kir ku mazot û zeyta maşînan bi buhayên kêm peyda bike û got: "Bêyî sotemeniyê em ê nekarin maşînên xwe bixebitînin.”
Par heqê çinîna her donimekê bi 8 dolaran hatibû diyarkirin, lê heqê çinînê îsal hê jî nehatiye diyarkirin.
Cotkarê bi navê Casim El Hisên ê ji El Qadisiyê jî got: "Em zeviyên xwe bi lêçûnên giran diçinin, lê nirxê genim li bazar jî têra lêçûnên me nake. Em dixwazin buhayê kirîna genim li zêde bibe da ku westana me vala neçe. "
Endezyar Hemûd El Xelef ê serokê Komîteya Lênêrînê ya Desteya Çandinî û Avdaniyê ya girêdayî Meclisa Aborî û Çandiniyê ya Reqayê jî got: "Piştî ger û lênêrînên me yên asayî yên li berhemên çandiniyê li nava zeviyên avî, bi taybetî genim, em di wê hêdiyê de ne ku berhem dê ji ya sala borî baştir be. "
Her wiha diyar kir ku dê Meclisa Aborî û Çandiniyê ya Rêveberiya Xweseriya Demokratîk a Bakur û Rojhilatê Sûriyeyê buhayê kirîna genim a îsal baştir bike. Sala par kîloya genim bi 31 sentên amerîkî bû.
Rêveberiya Xweser di demsala 2023-2024’an de nêzî milyonek ton genim wergirtibû.
(k)
ANHA
Cotkaran xwest buhayê kirîna genim bê zêdekirin
Bi nêzîkbûna demsala çinînê li kantona Reqayê, cotkar xwe amade dikin ji bo çinîna berhemên xwe. Xwediyên deraseyan jî ji bo demsala çinînê amadekariyan dikin.
Ebdullah El Hisên ê xwediyê deraseyekê ji mezra El Qadisiyê ya li rojhilatê Reqayê got: “Xebatên ji bo amadekirina deraseyên çinînê didomin. Em deraseyan vedikin, paqij dikin, parçeyên xerabûyî diguherin û ji nû ve siwar dikin. Rewşa îsal li gorî salên borî dijwar e, ji ber bandora hişkesaliyê li ser zeviyên bejî û bilindbûna buhayê sotemeniyê.”
Ebdullah El Hisên bang li Rêveberiya Xweser kir ku mazot û zeyta maşînan bi buhayên kêm peyda bike û got: "Bêyî sotemeniyê em ê nekarin maşînên xwe bixebitînin.”
Par heqê çinîna her donimekê bi 8 dolaran hatibû diyarkirin, lê heqê çinînê îsal hê jî nehatiye diyarkirin.
Cotkarê bi navê Casim El Hisên ê ji El Qadisiyê jî got: "Em zeviyên xwe bi lêçûnên giran diçinin, lê nirxê genim li bazar jî têra lêçûnên me nake. Em dixwazin buhayê kirîna genim li zêde bibe da ku westana me vala neçe. "
Endezyar Hemûd El Xelef ê serokê Komîteya Lênêrînê ya Desteya Çandinî û Avdaniyê ya girêdayî Meclisa Aborî û Çandiniyê ya Reqayê jî got: "Piştî ger û lênêrînên me yên asayî yên li berhemên çandiniyê li nava zeviyên avî, bi taybetî genim, em di wê hêdiyê de ne ku berhem dê ji ya sala borî baştir be. "
Her wiha diyar kir ku dê Meclisa Aborî û Çandiniyê ya Rêveberiya Xweseriya Demokratîk a Bakur û Rojhilatê Sûriyeyê buhayê kirîna genim a îsal baştir bike. Sala par kîloya genim bi 31 sentên amerîkî bû.
Rêveberiya Xweser di demsala 2023-2024’an de nêzî milyonek ton genim wergirtibû.
(k)
ANHA
