Ciwanên PYDˊê kongreya xwe ya 2ˊyemîn bi dawî kir

Di çarçoveya amadekariyên lidarxistina kongreyeke giştî ya Partiya Yekitiya Demokratîk (PYD) de îro Kongreya 2ˊyemîn a Ciwanên PYDˊê bi diruşma ˊBi parastin û rêxistinkirina ciwanan em ê destkeftiyên şoreşê biparêzin û civaka demokratîk misoger bikinˊ li hola Serdemê ya Hesekê hat organîzekirin.

Di kongreyê de 500 deleqe ji endamên ciwanan, jinên ciwan ên PYDˊê, endamên saziyên sivîl û leşkerî beşdar bûn.

Hevseroka PYDˊê Asya Ebdullah axaftina destpêkê kir. Asya lidarxistina kongreyê li Rêber Abdullah Ocalan, gel û beşdaran pîroz kir.

Asya wiha got: "Şerê Cîhanê yê Sêyemîn niha rû dide, bi taybet jî li herêmên me li dijî jin û ciwanan tê kirin. Ji bo sekna li pêş van şer û êrişan pêdiviya me bi berxwedanê heye."

Asya wiha domand: "Hêzên parastina civak û gel ji êriş û sûcan dikin, destkeftiyan diparêzin, li pêş koçberî û koçberkirinê disekinin, hêzên ciwan û jinên ciwan in."

Asya di dawiyê de got pergalên kapîtalîst bi rêya ferzkirina siyasetên xwe li ser civakan hewl didin vîna ciwanan bişikînin, wan teşwîqî koçberiyê bikin û ji xeta berxwedanê bi dawî bikin.

Dûre rapora 2 salan ji hêla endamê Ciwanên PYDˊê Mihemed Fewazî ve hat xwendin.

Her wiha sînevîzyonek li ser xebatên Ciwanên PYDˊê yên 2 salan hat pêşkêşkirin.

Piştî sînevîzyonê, rêzikname hat nîqaşkirin û hin bend hatin guhartin.

Kongreya ciwanan bi encameyekê bi dawî bû û wiha ye; ji xebatên Ciwanên PYDˊê çalakiyên ji bo pêkanîna azadiya fîzîkî ya Rêber Abdullah Ocalan, vekirina dewreyan ji hêla Meclisa Ciwanên PYDˊê li ser fikir û felsefeya Rêber Abdullah Ocalan, xwendina parêzname û pirtûkên Rêber Abdullah Ocalan, vekirina Akademiya Ciwanên PYDˊê.

(fr)