Çeteyekî xeternak li Dêrazorê hat girtin

Hêzên Ewlekariya Hundirîn yek ji çeteyên xeternak ji endamên komên wêranker ên girêdayî hikumeta Şamê li gundewarê Dêrazorê girt.

27 sibat, 2024 19:23

NAVENDA NÛÇEYAN

Navenda Ragihandinê ya Hêzên Ewlekariya Hundirîn got Dezgeha Ewlekariya Hundirîn ên girêdayî wan bi operasyoneke çeteyekî xeternak li rojavayê Dêrazorê girt.

Hêzan der barê mijarê de daxuyaniyek da:

"Piştî şopandina yek ji çeteyên komên talanker ên ku bi navê rejîma Sûriyeyê beşdarî operasyonên li dijî navendên Hêzên Ewlekariya Hundirîn û hêzên leşkerî bibûn û li herêmê fitne derxistiye, Dezgeha Ewlekariya Giştî cihê wî tespît kir û hêzên me yên taybet (H.A.T.) mudahemeya cihê çete kir. Lê çete rexta teqemeniyê li xwe kiribû û mermî li hêzên me reşand û pevçûn qewimî. Lê tu ziyanek ji hêzên me çênebû û çete bi birîndarî hat girtin û çek û tiştên ku di destê wî de bûn hatin desteserkirin û wiha ne;

3 rextên teqemeniyê

narincokek

klaşînkovek

10 cercûrên tivingê dagirtî

Tivingê nêçîrê

Laptop

3 cîhazên peywendiyê

Rextek

Ji bo aramî û ewlehiya herêmê me dê çalekî û xebatên bibandor berdewam bikin."

(fr)