CENTCOM: Em pêşdeçûnên li Helebê dişopînin û banga xweragiriyê dikin

Fermandarê CENTCOMˊê diyar kir ku DYAˊyê ji nêz ve pêşdeçûnên li bajarê Helebê û derdora wê dişopîne û banga xweragiriyê û dûrketina ji rageşiyê li tevahî aliyan dike û got tiştê pêşîn parastina sivîlan û binesaziyan e.

13 ÇILE, 2026 23:59

NAVENDA NÛÇEYAN

Fermandarê Fermandariya Navendî ya Amerîkayê (CENTCOM) Amîral Brad Cooper diyar kir ku Dewletên Yekbûyî yên Amerîkayê (DYA) pêşketinên li Heleb û deverên derdorê ji nêz ve dişopîne, û bang li hemû aliyan kir ku xweragir in û ji her gavek ku dikare rewşê xirabtir bike dûr bikevin.

Cooper anî ziman ku pêwîstî sivîl û binesazî werin parastin û destnîşan kir ku divê ji kiryarên ku bibin sedema zêdebûna bêîstîqrariyê werin bidûrketin.

Cooper diyar kir ku Washington bangên xwe ji tevahî aliyên eleqedar re dewam dike ku bi niyeta baş li maseya dan û standinan vegerin û xebata ji bo gihîştina çareseriya dîplomasî bi rêya diyalogê mayînde bikin.

Cooper destnîşan kir ku Sûriyeyeke ku di hundir de û bi cîranên xwe re di aştiyê de be dikare bibe sedema ewletir û geşbûna Rojhilata Navîn, her wiha da zanîn ku DYA û Sûriye di parastina aştî û aramiya herêmê de xwedî berjewendiyek hevpar in.

(fr)