Bêdengiya li hember êrişên kîmyewî yên dewleta Tirk tê şermezarkirin

Li hember êrişên kîmyewî yên dewleta Tirk a dagirker ên li dijî gerîla gelê herêmê daket qadan û bêdengiya hêzên navneteweyî û Neteweyên Yekbûyî şermezar kir.

ROJANE

31 ÇILE, 2024 15:28

QAMIŞLO

Bertekên şêniyên Bakur û Rojhilatê Sûriyeyê li hember êrişên kîmyewî yên dewleta Tirk a dagirker ên li dijî gerîla û hevkariya çekdarên PDK`ê berdewam in.

Li kantona Cizîrê meclisên malbatên şehîdan ên Hesekê, navçeya Dirbêsiyê, Til Birak, Til Temir û Çilaxayê daxuyaniyeke hevbeş da.

Di xwendina daxuyaniyan de, şênî, nûnerên saziyên civaka sivîl, partî, rûspiyên herêmê amade bûn.

Di daxuyaniyan de êrişa kîmyewî ya dewleta Tirk a dagirker ku bi hevkariya PDK`ê êrişî gerîla dike, hate şermezarkirin. Hate diyarkirin ku ev êriş, delîla bêçaretiya dewleta Tirk a li hember vîna gerîla ye.

Di daxuyaniyê de bêdengiya hêzên navneteweyî û rêxistinên mafên mirovan û yên NY`yê ya li hember êrişan hate şermezarkirin.

Di heman çarçoveyê de Kongra Star a navçeya Amûdê daxuyaniyek da û bang li PDK`ê kir ku dev ji siyasetên xwe yên dijminane yên li dijî gerîlayên ku ji bo azadiyê û parastina gelê Kurd canê xwe feda dikin, berde.

Kongra Star êrişên dewleta Tirk û hevkariya PDK`ê wek komplo bi nav kir.

(şx)

ANHA