Zarokek ber bi mirinê ve hat dehfdan
Li bajarê Efrînê yê dagirkirî zarokeke 16 salî ber bi mirinê ve hat dehfdan.
Li gorî agahiyên ji çavkaniyên xwecih hatine wergirtin, duh (2`ê Hezîranê) zarokeke 16 salî li mala xwe ya li taxa Eşrefiyê ya bajarê Efrînê hewl daye dawî li jiyana xwe bîne, piştre ew rakirine nexweşxaneyeke bajêr û li wir jiyana xwe ji dest daye.
Nehat zanîn bê sedemên hewldana xwekuştinê çi ne.
Li Efrînê sûcên qetilkirin, revandin û êrişên zayendî yên ji aliyê çeteyên dewleta Tirk a dagirker ve dewam dikin.
Li gor Rêxistina Mafên Mirovan a Efrîn-Sûriyeyê, li Efrînê di nava 6 mehan de, di nav de 20 jin bi giştî 173 kes hatine revandin, di nav de 2 jin 12 kes jî hatine qetilkirin.
Di nava kêmî 2 mehan de jî çeteyan êrişa zayendî li 3 zarokên keç kirine.
(bb)
ANHA
