Li kantona Qamişlo pîrozbahiyên Cejna Ekîto

Yekitiya Suryan û Rêxistina Asûriye ya Demokratîk û Partiya Asûrî ya Demokratîk li gundê Gir Şêran ê başûr rojhilatê navçeya Tirbespiyê ya kantona Qamişlo şahiyek li dar xist.

Di şahiyê de, şandeya Rêveberiya Xweser a Bakur û Rojhilatê Sûriyeyê, Tevgera Civaka Demokratîk (TEV-DEM), Kongra Star, nûnerên partiyên herêmê, Nivîsgeha Têkiliyên Giştî ya Hêzên Sûriya Demokratîk (QSD) û pêkhateyên herêmê hazir bûn.

Di şahiyê de koma Asûrwî û Ornîna govendên asûrî û suryanî pêşandan.

Dûre hevserokê Meclisa Qanûnsaz a herêma Cizîrê Hikmet Hebîb axivî û Cejna Ekîto li gelê Suryan û gelên herêmê pîroz kir û got: “Bi saya yekitiya pêkhateyan di nav Rêveberiya Xweser de, destkeftiyên dîrokî li ser tevahî astên siyasî, leşkerî û civakî hatin bidestxistin.”

Bi navê Koordîansyona Partiyên Suryan Moşî Gewriye, Waêl Mîrza, Senherîb Bersûm û Nazîra Gewriye axivîn û destnîşan kirin ku Cejna Ekîto yek ji sembolên bedawiya xwezayê û aştiyê ye.

Di şahiyê de Koma Komeleya Çandî ya Suryan şanoyek bi navnîşan “Kiral û kiralîçe” pêşanda.

Di dawiya şahiyê de beşdaran xelekên govendê li ber stranên suryanî gerandin.

DÊRIK

<iframe width="560" height="315" src="https://www.youtube.com/embed/7-Q02wZFtRo" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Li Dêrikê jî, gelê Asûr, Suryan û Keldan li gundê Hekemiye yê bakur rojhilatê bajarê Dêrikê tev li pîrozbahiya Ekîto bûn.

Di pîrozbahiyê de nûnerên partiyên Bakur û Rojhilatê Sûriyeyê, Hêzên Ewlekariya Hundirîn, saziyên civaka sivîl beşdar bûn.

Koma Orşîna berhemên xwe yên hunerî pêşandan.

(şx)

ANHA