​​​​​​​Meclisa Xweser a Şengalê: Em ê li ber xwe bidin û têkoşîna xwe dewam bikin

Duh di saetên şevê de li Serdeşta Çiyayê Şengalê êrişek hewayî ji aliyê balefirên dewleta Tirk a dagirker ve pêk hat. Meclisa Xweseriya Şengalê li dijî êrişên berdewam ê dewleta Tirk li ser Şengalê daxuyanek da.

Daxuyanî ji aliyê Hevserokê Meclisa Gel a Dugurê  Hecî Hecem ve hate dayîn. Di destpêka daxuyaniyê de êrişên li ser Şengalê, Başûr û Rojava hatin şermezarikin û wiha hate gotin; “Bi navê gelê Şengalê  em didin diyakirin, em beşekin ji Iraqê, lê heya niha Iraqê em wek hewelatiyên xwe qebûlnekirine û li me xwedî derneketiye. Niha jî dewleta Tirk li her derê êrişî ser axa Iraqê dike, gelê sivîl dike hedef û serweriya Iraqê binpê dike. Em bang li rayederên Iraqê dikin, bi erk û berpirsiyartiya xwe rabin û rê  li ber van êrişa bigirin.

Di dewama daxuyanyê de hate gotin; “Em wek civaka Êzidî li ber çavê tevahiya cîhanê di qikirinê re derbas bûn, kesek li me xwedî derneket. Niha jî em dibin hedefa êrişên dewleta Tirk a dagirker, pêwsît e rê li ber van êrişan bê girtin. Em wek gelê Şengalê û civaka Êzidî ku me xwe rêxistin kiriye,  hêzên xwe yên parastinê avakirine, em ê dest ji vê xetê bernedin, li ser vî fikrî heya dawî em ê li ber xwe bidin û têkoşîna xwe dewam bikin.”