Çalakiyên 8'ê Adarê berdewam dikin

Li seranserî Bakur û Rojhilatê Sûriyê çalakiyên 8'ê Adarê Roja Jinan a Cîhanê berdewam dikin.

QAMIŞLO

Bi diruşma "Bi rihê Viyan û Nûjiyan em ê têkoşîna 8'ê Adarê xurt bikin", Yekitiya Jinên Ciwan bi hevkariya Nivîsgeha Jinan a Desteya Ciwan û Werzîşê ya Herêma Cizîrê pêşbaziyeke bi bîskilêtan li dar xist.

Pêşbaziya jinên ciwan ji çerxerêya Osman Sebrî dest pê kir û li stada Şehîdên 12'ê Adarê bi dawî bû. Di pêşbaziyê de Îman Hesen, Narîn Nezîr, Hêlîn Dawud û Medya Xanim bi ser ketin û ji aliyê Yekitiya Jinên Ciwan û Nivîsgeha Jinan a Desteya Ciwan û Werzîşê ya Herêma Cizîrê ve hatin xelatkirin.

EYN ÎSA

<iframe width="560" height="315" src="https://www.youtube.com/embed/9mql57OhOpw" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Li Eyn Îsayê jî Kongra Star û Komîteya Jinan a Kantona Girê Spî diyarî li xebatkarên saziyên xizmetguzarî û Hêzên Asayîşê belav kirin û 8'ê Adarê li wan pîroz kir.

Tê payîn ku wê sibe şahiya 8'ê Adarê li kampa Koçberên Girê Spî were lidarxistin.

REQA

Girêdayê heman armancê, Kombûna Jinan a Zenûbya ya Reqayê bi navê "Pirsgirêka azadiyê ji bo jin û mêran" panelek li Reqayê li dar xist.

Di panelê de berdevka Kombûna Jinan a Zenûbya Xilûd Îsa bi xêrhatina beşdaran kir û 8'ê Adarê li wan pîroz kir.

Paşê endama rêveber a Meclisa Jinan a PYD'ê Foza Yûsif behsa doza azadiyê di navbera jin û mêran de kir û got: "Pirsgirêka azadiyê ne tenê pirsgirêka jinê ye, di heman demê de pirsgirêka mêran e jî."

Hevserokê Yekitiya Rewşenbîran a Reqayê Ebdurehman Ehmed jî anî ziman ku "Jin di civaka me de roleke pêşeng di jiyanê de dilîze."

Her wiha endama MSD'ê Debiya El-Nasir di panelê de diyar kir ku azadî ew e ku mafên her du zayendan werin naskirin û were misogerkirin.

ANHA