Li Helebê salvegera Şorerşa 19'ê Tîrmehê hate pîrozkirin

Di çarçoveya rêzeçalakiyên pêşwazîkirina salvegera Şoreşa 19`ê Tîrmehê de, Meclisa Giştî ya Taxên Şêxmeqsûd û Eşrefiyê bi dirûşemya"Bi rihê şoreşa 19`ê Tîrmehê em ê dagirkeriyê têk bibin û serkeftinê misoger bikin" şahiyek orgenîze kir.

Şahî bi beşdariya bi sedan şêniyên Helebê û li baxçeyê Îstîqamê yê li taxa Eşrefiyê li dar ket.

Şahî bi rêzgirtinê dest pê kir, piştre hevserokê Meclisa Giştî ya Taxên Eşrefiyê û Şêxmeqsûd Mihemed Şêxo û endama Rêveberiya Kongreya Star a Helebê Zeyneb Îbo axivîn.

Mihemed Şêxo got: "Vîna gelan û hevgirtina wan hişt ku şoreş li dar bikeve, şoreşê li bajarê Kobanê dest pê kir, geşedanên ku li pey hatin bi armanca destpêkirina têkoşîna şoreşgerî û danîna kevirê bingehîn ê azadiya gelê Bakur û Rojhilatê Sûriyê bû.

Şêxo di dawiyê de ev xal rêz kirin:"Şoreşa 19`ê Tîrmehê ya berdewam dike tova zayîna Rêveberiya Xweser a Bakur û Rojhilatê Sûriyê ye."

Zeyneb Îbo axivî û got:"Jinan di Şoreşa 19`ê Tîrmehê de roleke pêşeng lîst û ev bû sedem ku bi awayekî aktîf tev li avakirina Rêveberiya Xweser bibin û mafên xwe bi dest bixin."

Zeyneb Îbo di dawiyê de ev yek li gotina xwe zêde kir: "Dengvedana şoreşa 19`ê Tîrmehê gihaşt tevahiya cîhanê, ji ber ku serkeftinên dîrokî pêk anîn û pîvanên paşverû şikandin û li dijî projeyên terorîst ên tundraw sekinî."

Di şahiyê de koma Stranan a Agirî, koma Serhed a Govendên Floklorîk û koma stranên Çiyayê Hawar berhemên xwe pêşkêş kirin.

Şahî gerandina govendê bi dawî bû.

(eh)

ANHA