Kongreya Star şehîd Zîlan bi bîr anî

Şehîd Zeyneb Kinaci (Zîlan) sala 1972`yan li gundê Almalî yê Malatyayê yê Bakurê Kurdistanê ji dayîk bûye. Ji beşa zanista derûnî ya zanîngeha Înono der çûye. Tev li Tevgera Rizgariya Kurdistanê bû û di 30`yê Hezîrana 1996`an de çalakiyeke fedayî li dijî navendeke artêşa Tirk a dagirker a li Dêrsimê pêk anî.

Merasîm li hola Navenda Mihemed Şêxo ya Çand û Hunerê ya Qamişloyê li dar ket. Bi dehan endamên saziyên sivîl ên Rêveberiya Xweser û malbatên şehîdan beşdarî merasîmê bûn.

Di destpêka merasîmê de nameya şehîd Zîlan a ji bo rêber Abdullah Ocalan re şandiye hat xwendin.

Piştî wê endama rêveber a Kongreya Star a Qamişloyê Roza Tolhildan axivî û şehîdên meha Hezîranê bi bîr anîn û got: “Şehîd Zîlan mîrasek bi têkoşîn û berxwedanê dagirtî li dû xwe hişt. Zîlan bi çalakiya xwe komployên li dijî Rêber Abdullah Ocalan û gelê Kurd têk bir.”

Her wiha Roza diyar kir ku çalakiya Zîlanê zihniyeta mêran şikand û berxwedana jina azad îsbat kir.

Roza piştrast kir ku Zîlan ji bo wan bûye felsefeya azadiyê û divê hemû şopdarên rêya wan bin.

Piştre sinefizyonek girêdayî kurtejiyana şehîd Zîlan hat pêşendan.

Di dawiya merasîmê de tîma Stêra Zêrîn a Kevana Zêrîn berhemên xwe pêşkêş kirin.

(şx)

ANHA

<iframe width="560" height="315" src="https://www.youtube.com/embed/5NRl5mjFjVE" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>