ꞌDivê sûdarên komkujiya li dijî jinên siyasetmedar pêk anî, werin darizandinꞌ

Meclisa Jinan a Partiya Sûriya Pêşerojê qirkirina jinan şermezar kir û diyar kir ku dagirkeriya Tirk fermandar, siyasetmedar û çalakgeran dike armanc, da ku vîna jina azad û berxwedêr her wiha şoreşa jinan têk bibe ku bi saya têkoşîna wê ya bi armanca parastina azadiyê pêk hat.

23 hezîran, 2021 14:45

REQA

Bi dehan endamên Meclisa Jinan a Partiya Sûriya Pêşerojê bi daxuyaniyekê sûcên dagirkeriya Tirk şermezar kirin, di serê pêşî de qetilkirina endama HDP`ê Deniz Poyraz.

Berdevka Meclisa Jinên Partiya Sûriya Pêşerojê Xaliya El-Kecwan daxuyanî xwend.

Di daxuyaniyê de wiha hate gotin:

"Ji destpêka aloziya Sûriyê ve herêmên Bakur û Rojhilatê Sûriyê bi sûcên dagirkeriya Tirk re rû bi rû dimînin, li herêmên hatine dagikirin, di hedefgitina jinan de siyaseteke qirkirinê didin meşandin, ji qetilkirinê bigire û heta bi revandin û koçberkirinê da ku hêz û israra wan bişikînin, ji ber ku di hemû qadan de serkeftin qezenc kirine, lê li vir sînordar nema û siyasetmedarên fermandar dike armanc û sekretera Giştî ya Partiya Sûriya Pêşerojê Hevrîn Xelef di 12`yê Cotmeha 2019`an de şehîd xist ku ji bo biratiya gel û yekitiya Sûriyê tê dikoşiya.

Di 17`ê Hezîranê de endama HDP`ê Deniz Poyraz hat qetilkirin, em îro li dijî sûcên dagirkeriya Tirk disekinin û şermezar dikin, di 23/6/2020`an de jî maleke li gundê Helincê yê başûrê rojhilatê Kobanê bi balafirekê kir armanc, di encamê de Zehre, Hebûn û dayika Emîne gihaştin asta şehadetê.

Hedefgitina fermandaran û siyasetmedan, her wiha çalakgeran bi armanca têkbirina vîna jina azad û berxwedêr e û têkbirina şoreşa jinan e, ku bi saya têkoşîna wê ya bi armanca pêkanîna wekhevî, azadî û biratiya gelan pêk hatiye.

Dagirkeriya Tirk bi rêya çete û komên girêdayî xwe li herêmên ku dagir kirine û li Bakur û Rojhilatê Sûriyê jinên zana û rêxistinkirî bi rêbazên hovane û derexlaqî dikin armanc.

Em îro li hember sûcên li dijî jinên siyasetmedar pêk tên disekinin, bila hemû rêxistinên navneteweyî, mafnas û jinan nas bikin, di heman demê de li dijî êrişên dagirkeriya Tirk û hişmendiya baviksalarî em yekitiya xwe ava bikin û têkoşîna xwe çêkin, sûcdaran darizînin. Em sûcên qetilkirin û înkarkirinê qebûl nakin û êdî bes e ji qirkirina jinan e, em soz didin şehîdan ku dê li ser şopa wan heta pêkanîna azadiyê bimeşin."

(eh)

ANHA