Li Hesekê însiyatîfa ciwanan ji bo kêmkirina aloziya avê

Dewleta Tirk a dagirekr û çeteyên wê, tevî pandemiya Koronavîrusê li herêmê û li gel bêdengiya hêzên Rûsya û Amerîkayê, zêdetirî 22 rojan e av li ser Hesekê û gundewarên wê qut kiriye.

Gerînendetiya Avê ya Hesekê duh av ji stasyona Hemê ber bi hewzên taxa Ezîziyê ve berda, piştre av li taxên Salihiyê, Ezîziyê, Telaî, Xeşman û Muftî belav kir.

Ji bo sînordarkirina aloziya avê û bi însiyastîfeke komî ya hevgirtî, PYD’ê bi hevkariyabi ciwanên serbixwe yên navçeya Dirbêsiyê re 60 stêrên avê li şêniyan belav kirin.

Av bi rêya komînan li taxên Neşwa, Salhiya Başûr û Bakur, Kebabê, Til Hecer, Nasira, Kelasê, Zîraa, Meîşê û Muftî, bi rêjeya 5 bermîlan ji her malekê re belav kir.

Endamekî ciwanên serbixwe Berzan Sîno diyar kir ku însiyatîf heta bidawîbûna aloziya avê li bajêr berdewam e, her wiha Şaredariya Gel a Dirbêsiyê li ser dagirtina wan a bêpere ji avê re, spas kir. Sîno bang li ciwanan kir ku piştevaniya însiyatîfa mirovî heta bidawîbûna aloziya avê li Hesekê û gundewarên wê bikin.

Li aliyekî din jî, şêniya bi navê Edîba Xelîl Îbrahîm aliyên pêwendîdar ên li ser belavkirina avê bi rêya stêran û bê pere spas kir û hêvî kir ku aliyên pêwendîdar însiyatîfên mirovî mîna vê pêk bînin.

(fr)

ANHA