Ji bo alîkarîdayîna jinên kedkar baxçeyên zarokan tên vekirin

Kongereya Star a Helebê hewl dide bi rêya vekirina baxçeyên zarokan alîkariya dayikên kedkar di xwedîkarina zarokan de bike.

JIN

21 sibat, 2020 10:43

HELEB- SOLÎN REŞÎD

Kongreya Star ji bo sivikkirina barê jinên kedkar 15‘ê Cotmeha 2019’an li taxa Şêxmeqsûd a Helebê bi navê ‘Beraîm El-Musteqbel’ baxçeyekî zarokan vekir.

Baxçeyê Beraîm El-Musteqbel li gorî biryarên ku di konferansa Kongreya Star a dawîn de hatibûn dayîn, hate vekirin.

Rêjeya jinên di nava sazî, meclis, komîn û partiyên taxa Şêxmeqsûdê de dixebitin, ji sedî 80 ye.

Rêvebera Koordînasyona Kongreya Star Sîham Bîlal got armanca vekirina vî baxçeyî ew e ku barê dayikan ê di nava meclis û saziyên taxên Şêxmeqsûd û Eşrefiyê de dixebitin, sivik bibe.

21 zarok ji 6 mehî heta 5 salî di baxçe de ne û ji aliyê 3 jinan ve têne xwedîkirin. Ji bilî roja înê baxçe rojane ji saet 7:00’an heta 17:00‘an de vekirî ye. Baxçe ji odeyên xewê, lîstik, metbex, rêveberî û pêşwaziyê pêk tê.

Rêvebera Koordînasyona Kongreya Star Sîham Bîlal got: "Ji bo jinên kedkar karibin wekheviyê di navbera karê xwe û xwedîkarina zarokan de çêkin, me ev baxçe vekiriye û wekî mala duyamîn a zarokan e."

ANHA