Şêniyên Minbicê: Na ji peymanên ku xwîna ciwanên me dikin bazariyê re

Xwepêşandêran di meşê de pankartên "Birêz Trump nebe hevparê şerê qirkirina gelê me", "Em der barê hedefgirtina pêşeroja xwe de, ne qebûl dikin û ne jî radest dibin" û " Dê li hember her peymanek ku hebûn, rûmet û nasnameya me bike hedef, derkevin", alên Meclisa Leşkerî ya Minbicê, Meclisa Jinan û wêneyên şehîdan hildan.

Meşê ji Çerxerêya El-Mîzan a rojavayê bajêr dest pê kir û ber bi Çerxerêya El-Meseb a bakurê bajêr ve çû û li wir vegerî mîtîngê. Piştî deqeyeke rêzgirtinê bi navê Partiya Sûriyê ya Pêşerojê Îmad Mûsa axivî û wiha got: "Îro li vir tevahî peyman û komployên li dijî gelê me red dikin, terora dewleta Tirk a ku xaka me dagir dike ji sûc û kuştinên ku bi mafên gel de pêk tîne jî qebûl nakin."

Îmad wiha lê zêde kir: "Em ji Erdogan re dibêjin ku dê ev gel li dijî berjewendiyên wê bi der bikeve. Dê gel hemû planên wî yên dagirkirina xakê têk bibe û li hember êrişên wî bisekine."

Bi navê Rêveberiya Sivîl a Demokratîk a Minbic û Gundewarên Wê endamê Dîwana Meclisa Qanûnsaz Cuma Heyder axivî û wiha anî ziman: "Em îro li vir in ku tevahî cureyên dagirkirin û siyasetên wêrankirin û kuştinê ku Erdogan û çeteyên wî pêk tîne, red bikin û qebûl nakin."

Li aliyekî din jî bi navê Meclisa Jinan endama meclisê Neqşiya Xelîl wiha da zanîn: "Tevahî komplo û peyamnên der barê hedefgirtina gelê me de pêk tên, şermezar û red dikin û aliyekî jî ku pêşeroja welatê me li şûna me diyar bike, qebûl nakin. Her wiha her peymanek ku gefan li hebûnf û rûmeta me dixwe, dê li hemberê derkevin."

Neqşiya Xelîl wiha li axaftina xwe zêde kir: "Nameya ji birêz Trump re ew e ku nebe hevparê komkujî û zilma ku li dijî gel û xaka me pêk tên."

Neqşiya wiha bi dawî kir: "Em wek jin tevahî peyman û komployên ku hebûn û pêşeroja me dixin xeteriyê red dikin û dê bi yek destî bi tevahî jinên Sûriyê re weke kevirekî bihêz li hemberê bisekinin."

Meş bi dirûşmên silavkirina şehîdan û Berxwedana Rûmetê bi dawî bû.

(fr)

ANHA