Gel banga seferberiyê pêk tîne

Bi armanca pêkanîna banga Rêveberiya Xweser a Bakur û Rojhilatê Sûriyê û QSD`ê ya ji bo seferberiya li dijî êrîşên dewleta Tirk a dagirker li dijî herêmên Bakur û Rojhilatê Sûriyê, îro bi sedan şêniyên navçeya Amûdê ya kantona Qamişlo ya Bakur û Rojhilatê Sûriyê daketin qadan. Di meşê de dirûşmên silavkirina berxwedana YPJ/YPG`ê û QSD`ê, her wiha silavkirina berxwdana biratiya gelan û şermezarkirina dewleta Tirk hatin berzkirin.

Nûnerên Rêveberiya Xweseriya Demokratîk a Herêma Cizîrê tev li meşê bûn.

Di xwepêşandanê de pankartên bi nivîsên şermezarkirina êrîşên dewleta Tirk ên li dijî herêmên Bakur û Rojhilatê Sûriyê û wêneyên birîndarên di encama bersivdayîna êrîşên dewleta Tirk û çeteyên duh birîndar bûne, hatin hildan.

Meş li Qada Jina Azad veguherî mitîngê. Di mitîngê de kesên beşdar axivîn û berxwedana lehengî ya hêzên leşkerî di eniyên şer de û berxwedana gelên Bakur û Rojhilatê Sûriyê silav kir. Her wiha tekez kir ku ew ji bo parastina herêmê di hemû aliyan de amade ne û ew ê banga seferberiyê ya Rêveberiya Xweser pêk bînin.

Li gorî meşvanan ku ew ê çalakî û meşên xwe dewam bikin heta ku êrîşên dewleta Tirk a dagirker li ser herêmên Bakur û Rojhilatê Sûriyê werin sekinandin.

(bx)

ANHA