Trump û Kim li ser avakirina du tîmên ji bo kordînekirina danûstandinan lihev kirin

Serokê Amerîkayê Donald Trump ragihand ku her du welatan der barê avakirina du tîmên ku danûstandinê ji bo kordînekirina diyalogên pêşerojê rêxistin bikin li hev kirin û her du tîm dê di nava 2 an jî 3 hefteyên de li hev bicivin.

Trump piştî hevdîtina bi serokê Korya Bakur re Kim John-Un re ku bi beşdariya serokê Koryaya Başûr re  Moon Jae-en hate birêvebirin, bidawî kir, tekez kir ku Washingtonê der barê diyaloga girêdayî bûyerên herêma nîvgira Korya ku bê çekên nukleerê be lez nake û wiha li axaftina xwe zêde kir:"Lezbûn ne armanc e." 

Trump civandina xwe bi Kim re"pir baş e"wesf kir, her wiha tekez kir ku cezayên Korya Bakur di halê hazir de dê wekî xwe bimîne û wiha pê de çû:"Ez di wê baweryê de me ku piştî danûstandinê dê rewş baştir bibe û em ê di vê çarçoveyê de paşê nîqaş bikin.”

Her wiha  Trump têkildarî vexwendina ji serokê Koryaya Bakur a serdana ji Koşka Spî re piştrast kir.

Serokê Koryaya Başûr Moon Jae-en got, hevdîtina bi Trump û Kim der barê valakirina nîvgirava Korya ji çekên nukleerî, wê roleke erînî bilîze.

Tê zanîn ku vê sibê serokê Amerîkayê Trump gihîşt herêma bê çek a ser sîronê her du Koryan e, paşê bi serokê Korya Bakur Kim John-Un re civiya. Hêjayî bi bîr xistinê ku Trump ji serokên Amerîkayê yên destpêkê ye ku derbasî xaka Koryaya Bakur dibe.

(eh/kc)