Li Tebqayê turnuvaya santrancê bidawî bû

Îro turnuvaya Şehîd Ehmed El-Mihemed a şetrencê ya ku ji aliyê Hevalbendiya Niştîmanî ya Demokratîk a Sûriyê şaxê Tebqayê bi koordîneya Yekîtiya Werzîşê ya Tebqayê hatibû organîzekirin, bidawî bû. Turnuva li Navenda Çand û Hunerê ya Tebqayê hat lidarxistin. Di dawiyê de kesên ku di lîstikên jin, zarok û mêran de bûn yekem hatin xelatkirin. Ev cara yekemîne ku turnuvayek bi vî awayî li herêmê lidar dikeve. Turnuva bi armanca teşwîqkirin û geşepêdana werzîşên zihnî hat lidarxistin.

Endamên Hevalbendiya Niştîmanî, Partiya Pêşerojê ya Sûriyê, Yekîtiya Werzîşê û hejmarek ji hezkiriyên şetrencê beşdarî çalakiyên roja dawîn bûn. Serokê Hevalbendiya Niştîmanî ya Demokratîk a Sûrî şaxê Tebqayê Selam Hisên û hevserokê Yekîtiya Werzîşê ya Tebqayê Hesen El-Ehmed bi dawîbûna turnuvayê li beşdaran û kesên ku bi serketine pîroz kirin. Her wiha hêviya serkeftinê ji kesên ku bi serneketine xwestin.

Serokê Partiya Pêşerojê ya Sûriyê şaxê Tebqayê Musne Endulkerîm, tevî Hevalbendiya Niştîmanî ya Demokratîk a Sûrî û Yekîtiya Werzîşê kesên ku di pileya yekemîn de ji tevahiya çînan (jin, mêr û zarokan) bi serketine, xelat kirin.

Şehîd Ehmed El-Mihemed ku turnuvaya santracê li ser navê wî hat lidarxistin, di rizgarkirina bajarê Reqayê di navîna 2017`an de şehîd bûye.

(şx)

ANHA