Li Reqayê ji bermahiyên avahîsaziyê sûd tê wergirtin

Beşa xizmetguzariya pêşeyî ya Şaredariya Gel a Reqayê, daxwazên şêniyan ên ji bo paqijkirina bermahiyan avahîsaziyê yên li bajêr, erê kir û wan bermahiyan ji bo sererastkirina rêyên bajêr bi kar tîne.

12 sibat, 2019 10:50

REQA

Beşa xizmetguzariya pîşeyî ya Şaredariya Gel a Reqayê, daxwazên şêniyên taxên El-Nehda, navenda bajêr, taxa El- Intîfade û meclîsa taxa Firatê yên ji bo paqijkirina bermayên avahîsaziyê erê kir. Piştî ku hemû bermahiyên avahîsaziyê, ji tax û kolanan hatin paqijkirin, ji bermayên axa xaniyên hilweşiyayî, sûd hat wergirtin û kortên din ava rêyan de hatin dagirtin û rê hatin sererastkirin.

Şaredarî ji bo bermahiyên avahîsaziyê di demên pêş de têkeve xizmeta ziftkirinê, axa nerm ji bermahiyan cuda dike û li kolan û rêyên bajêr belav dike.

Berpirsê Rêyan ê Beşa Xizmetguzariya Pîşeyî Imar El-Hisên axivî û wiha got: "Me dît ku di demên dawîn de bermahî li bajêr zêde bûne. Piştî ku meclisan daxwazên şêniyan ragihandin me, me jî wek buroya xizmeta pêşeyî bi hevkariya komîteya xizmetguzeriya pêşeyî û meclisên gel li bajêr bermahî rakirin.”

(jo/bm)

ANHA