Li Dêrazorê mecliseke din hate vekirin

Meclisa Sivîl a Dêrazorê, li gundê Şeqra yê xeta rojava ya Dêrazorê bi navê Meclisa Şehîd Ehmed El-Cîval, meclisek vekir.

NÛÇE

17 ÇILE, 2019 14:01

DÊRAZOR

Di merasîma vekirina meclisê de bi dehan şêniyên gundê Şeqra û gundên derora wê, endamên rêveberiya Meclisa Sivîl a Dêrazorê, Meclisa Jinan a Cezratê, hevserokên Meclisa Gel a Rojavayê Dêrazorê û Partiya Pêşerojê ya Sûriyê amade bûn.

Merasîmê bi deqeyeke rêzgirtinê dest pê kir û hevserokên Meclisa Gel a Gundê Şeqra Ehmed El-Semran û Itab El-Cedan vekirina meclisê pîroz kir û soz dan ku ew ê bi qasî berpirsyariyê bin û xizmeta gundiyan bikin û hemû pêdiviyên wan bi cih bînin.

Hêjayî bibîrxistinê ye ku meclisa gundê Şeqra gundên Şeqra, Laclamade, El-Şehbat, El-Cîa, Ceniniyê û Eliyan digire nava xwe.

Her wiha di merasîma vekirinê de bi navê Meclisa Sivîl endama rêveberiyê Betol El-Yûsif, Mala Jinan Şehrezad El-Casim û Partiya Pêşerojê ya Sûriyê Şam Ciwês axivîn. Axaftvanan vekirina meclisê li gelê herêmê pîroz kir û hêvî kir ku xizmeta gel bike û rêgeza biratiya gelan bi cih bike.

Piştî ku axaftin bi dawî bûn, malbata şehîd Ehmed El-Cîfal deriyê meclisê vekir.

Hêjayî gotinê ye ku şehîd Ehmed El-Cîfal di 29’ê Gulana 2018’an de di pêngava Bagera Cizîrê de şehîd bû.

ANHA