Meşa jinên ciwan gihaşt bajarê Dêrikê

QAMIŞLO

Yekitiya Jinên Ciwan bi dirûşmeya "Ji bo bidawîkirina dagirkeriyê û rizgarkirina Rêber Ocalan serî hildin" meşek li dar xist. Meş dê 2 rojan dewam bike. 200 jinên ciwan ji hemû bajar û bajarokên herêma Cizîrê tev li meşê bûne.

Meş îro ji gundê Xana Serê yê girêdayî herêma Dêrikê, ber bi bajarê Dêrikê ve ketin rê û alên Yekitiya Jinên Ciwan, wêneyên şehîdan û wêneyên Rêberê  Gelê Kurd Abdullah Ocalan hilgirtin. Di meşê de dirûşmeyên şermezarkirina tecrîdkirin Ocalan û binpêkirinên artêşa Tirk a dagirker li Efrînê û hemû herêmên Sûriyê hatin berzkirin. Her wiha jinên tev li meşê bûne, piştgiriya xwe bi Leyla Guven û çalakiya wê ya greva birçîbûnê re diyar kir.

Rexmî baranê jî ciwanan meş ber bi bajarê Dêrikê  berdewam kirin û beriya çend kêliyan gihaştin bajêr. Li vir ji aliyê gel bi coş û berizkirina dirûşmeyan hat pêşwazîkirin.

Meş bi tevlîbûna şêniyên bajarê Dêrikê li nava kolanên bajêr geriyan û li ber Navenda Ciwanên Şoreşger a Şehîd Bawer rawestiya.

Li vir deqeyeke rêz hate girtîn û axaftin hatin kirin. Rêvebera Yekiya Jinên Ciwan Jînda Munzur diyar ku ew ê çalakiyên xwe berdewam bikin da Ocalan ji girtîgeha faşîzmeya rizgar bikin û dagirkeran ji Efrînê biqewitînin.

Jînda her wiha anî ziman ku serkefinên ku jinan bi dest xistine berhemên felsefeya Ocalan û got ew ê bi îradeya xwe ya azad Ocalan azad bikin.

Paşê senevîzyonek li ser jiyana Rêberê Gelê Kurd Abdullah Ocalan hate pêşandan.

Jinên tev li meşê bûne dê îşv li bajarê Dêrikê bimînin û wê sibê meşa xwe ber bi gundê Eyn Dîwerê yê li ser sînorê bakurê Kurdistanê ve dewam bikin.

ANHA