ˋEm li hember vê pêvajoyê bi rihê berxwedanê tev bigerinˊ

Nivîsgeha Ciwanan a Partiya Yekitiya Demokratîk a kantona Cizîrê ji bo şîrovekirina geşedanên siyasî û leşkerî yên li herêmê û rola ciwanan di vê pêvajoyê de, civînek li dar xist. 

Civîn Ii hola Navenda Çand û Hunerî ya bajêr hate lidarxistin. Bi dehan ciwan, endamên saziyên sivîl û meclis tev li civînê bûn.

Rêvebera ciwanên PYD`ê ya kantona Cizîrê Şeze Hisên axivî û got: "Dewleta Tirk a dagirker dixwaze bi hincetên nerast herêmên Bakur û Rojhilatê Sûriyeyê dagir bike, projeya xweya guhartina demografiya herêmê temam bike û gelên azadîxwaza tune bike."

Şeze diyar kir ku QSD`ê li hember êrişên dewleta Tirk a dagirker berxwedaneke destanî nîşan dide û diyar kir ku gelê herêmê li gorî şerê gel ê şoreşgerî xwe bi rêxistin kiriye.

Şeze ev li axaftina xwe zêde kir: "Hêrs û êrişên hovane yên dewleta Tirk ji ber nepêşketina wê ye. Ji wê zêdetir li hember vê berxwedanê zirarên mezin bi wê dibin."

Têkildarî girîngiya rola ciwnan a di vê pêvajoyê de Şeze wiha got: "Divê ciwanên Kurd û ciwanên tevahî pêkhateyan têkoşîna xwe mezin bikin û li gorî bingehên şerê gel ê şoreşgerî tev bigerin ku li hember êrişan bisekinin, plan û timayên dagirkeran têk bibin. Pêdiviya vê qonaxê bi rihê berxwedanê heye."

(şx/fr)

ANHA