Şêniyên Qamişlo şehîd Mihemed Girbawî oxir kir

Bi sedan şêniyên bajarê Qamişlo şervanê YPG'ê Mihemed Girbawî oxir kir û soza şopandina rêya wî da.

ROJANE

19 adar, 2024 18:13

Qamişlo

Bi sedan şêniyên bajarê Qamişlo yê kantona Cizîrê ji bo oxirkirina şervanê Yekîneyên Parastina Gel (YPG) Mihemed Girbawî (Mihemed Xelef) berê xwe da Pakrewangeha Şehîd Delîl Saroxan. Şehîd Mihemed Girbawî di 18'ê Adarê de di encama nexweşiya şekir de şehîd bû.

Di serî de endamê Meclisa Malbatên Şehîdan a Qamişlo Ebdî Edî destnîşan kir ku şehîd rêberên têkoşînê ne û soza şopandina rêya şehîdan heta pêkanîna armancên wan da.

Endamê Kongreya Îslama Demokratîk mela Hesen Mihemed tevahî şehîd bi bîr anîn û diyar kir ku di Îslamê de girîngiyeke mezin ji bo şehadetê hatiye dayîn.

Endamê Federasyona Gaziyan a Qamişlo Elîşêr Hesen soza şopandina rêya şehîd Mihemed Girbawî û pêkanîna armancên wî û yên tevahî şehîdan da.

Piştre wesîqeya şehadetê ya şehîd Mihemed Girbawî hat xwendin û ji bo malbata wî hat radestkirin û ew hat oxirkirin.

Hêjayî bibîrxistinê ye ku konê sersaxiyê yê şehîd dê li gundê wî Girbawî yê bajarê Qamişlo bê were vegirtin.

(mh)