Şêniyên Helebê sersaxî dan malbatên 3 şehîdên taxa Şêxmeqsûdê

Şêniyên taxên Şêxmeqsûd û Eşrefiyê yên Helebê sersaxî dan malbatên şehîd Mihemed Elî, şehîd Mahir Yûsif û şehîd Dîlan Şoreş.

ROJANE

3 ÇILE, 2025 18:26

HELEB

Bi sedan şênî û endamên saziyên sivîl û partiyên siyasî yên taxên Şêxmeqsûd û Eşrefiyê yên bajarê Helebê sersaxî dan malbatên endamên Hêzên Ewlekariya Hundirîn şehîd Mihemed Elî Elo û şehîd Mahir Yûsif, şervana Yekîneyên Parastina Jin (YPJ) Dîlan Şoreş (Cûlya Îbrahîm). Şehîd Mihemed û şehîd Mahir di êrişa balafira bêmirov a dewleta Tirk a dagirker li dijî rêbenda kontrolê ya taxa Eşrefiyê ya Helebê şehîd bûbûn. Şehîd Dîlan jî di berxwedana li pira Qereqozaqê ya li hemberî êrişên dewleta Tirk a dagirker û çeteyên wê de, şehîd bûbû.

Di merasîma sersaxiyê de nûnerên partiyên siyasî û saziyên sivîl fedakariya şehîdan ên ji bo parastina destkeftiyên gelan dane, silav kirin.

Nûner û partiyan soza şopandina rêya şehîdan û domandina têkoşînê ji bo avakirina welatekî demokratîk, azad û pirreng hate dayîn.

(mh/şx)