Rûniştina yekem a civîna komisyona meclisê destpê kir

Rûniştina yekem a civîna 13an a komisyona meclisa Tirkiyê destpê kir. Di rûniştina yekem de OHDê jî di nav de saziyên hiqûqê wê bên guhdarkirin.

2 cotmeh, 2025 13:03

NAVEND NÛÇEYAN

Civîna 13emîn a Komîsyona Demokrasî, Xwişk-Biratî û Piştevaniya Neteweyî Di rûniştina yekem a civînê de dê Komeleya Hiqûqnasan, Komeleya Hiqûqnasên Ji bo Azadiyê (OHD), Komeleya Hiqûqnasên Demokratîk ên Civakî (SODAP) û Komeleya Lêkolînên Hiqûqî (HUDER) dê bên guhdarkirin.

Di rûniştina duyem de jî dê li Prof. Dr. Abdurrahman Eren, Prof. Dr. Faziz Husnu Erdem, Prof. Dr. Îlhan Uzulmez, Prof. Dr. Mahmut Koca, Prof. Dr. Bahrî Ozturk bê guhdarkirin.

Serokê Meclîsa Tirkiyê Numan Kurtulmuş ku di vekirina rûniştina yekêm a civînê de axivî anî ziman ku ew hevî dikin ku di demeke nêz de pêvajoya guhdarkirinê biqedînin û derbasî merhaleya pêşniyarên qanûnî bibin.

Di berdewama axaftina xwe de Numan Kurtulmuş bal kişand ser xebatên komisyonê û ev tişt gotin: “Em ê îro saziyên hiqûqî guhdar bikin. Her wiha em ê akademîsyenan guhdar bikin.”

Piştî axaftina Numan Kurtulmuş civîna komîsyonê destpê kir.