Nobedarên Tişrînê 4’ê Nîsanê pîroz kir

Berxwedêrên li Bendava Tişrînê bi dirûşma "Rojbûna te rojbûna me ye" 4’ê Nîsanê rojbûna Rêber Abdullah Ocalan pîroz kir.

ROJANE

4 nîsan, 2025 13:39

BENDAVA TIŞRÎN

88 roj e gelê Bakur û Rojhilatê Sûriyeyê ji bo parastina Bendava Tişrînê û şermezarkirina êrişên dewleta Tirk a dagirker û çeteyên wê, çalakiya nobetê bi rêxistin kiriye.

Nobedarên bendava Tişrînê bi boneya 4’ê Nîsanê rojbûna Rêber Abdullah Ocalan meşek li dar xist û derdora bendavê paqij kir. Nobedaran piştgirî da banga aştiyê ya Rêber Abdullah Ocalan û daxwaza azadiya wî ya fîzîkî kir.

Nobedarên bendava Tişrînê bi vekirina pankarta "Rojbûna te rojbûna me ye" û bilindkirina wêneyên Rêber Abdullah Ocalan meşiyan.

Di çalakiyê de Mehmûd Qeremox destnîşan got fikrên Rêber Abdullah Ocalan îlhama berxwedanê û têkbirina dijminan daye wan. Mehmûd Qeremox anî ziman ku dê heya bidestxistsina serkeftinê şopdarên xeta Rêber Abdullah Ocalan bin.

Bi navê jinan Cîhan Mihemed jî axivî û got: "Bi rihê berxwedanê û îradeya azad em 4’ê Nîsanê rojbûna Rêber Abdullah Ocalan ê ku bûye sembola ramana azad, edalet û wekheviyê pîroz dikin. Bi saya ramanên wî jin ji koletiyê rizgar dibin.”

Piştre nobedaran derdora Bendava Tişrînê û parka wê paqij kirin.

(bb)

ANHA