′Ne ji fikra Rêbertî bûya me projeya xwe ya demokratîk pêk nedianî′

Çalakiya banga pêkanîna azadiya Rêber Abdullah Ocalan bi şermezarkirina bêdengiya hêzên navneteweyî li hember tecrîdê û teqeziya bilindkirina têkoşînê heta pêkanîna azadiya fîzîkî ya Rêber Abdullah Ocalan bi dawî bû.

16 mijdar, 2023 17:43

HESEKÊ

Çalakiya banga azadiya fîzîkî ya Rêber Abdullah Ocalan a di çarçoveya pêngava ′′Ji Rêber Apo re azadî, ji pirsgirêka Kurd re çareseriya siyasî′ de hate lidarxistin bi daxuyaniyekê bi dawî bû.

Endama Kongra Star Heyat El Omerî bi zimanê Kurdî û cîgirê hevserokatiya Meclisa Kantona Hesekê Faroq Tozo bi zimanê Erebî û bi beşdariya xelkê bajêr, endamên TEV-DEM′ê daxuyanî xwendin.

Di daxuyaniyê de hate gotin ne fikir û felsefeya Rêber Abdullah Ocalan projeya demokratîk pêk nedihat.

Di daxuyaniyê de hate diyarkirin ku armanca sûcên dewleta Tirk a dagirker ên ji 2011′an û heta niha li dijî gelan pêk tên û tecrîda li dijî Rêber Abdullah Ocalan şikandina vîna gel, pêkanîna timayên xwe yên mêtingerî û derbekirina projeya demokratîk e.

Di dawiya daxuyaniyê de bêdengiya hêzên navneteweyî li hember tecrîdê û aliyên îdiaya parastina mafên mirovan dikin hate şermezarkirin û banga bidawîkirian tecrîdê û pêkanîna azadiya fîzîkî ya Rêber Abdullah Ocalan hate kirin.

(fr)

ANHA