Li Til Temir û Zirganê banga azadiya fîzîkî ya Rêber Abdullah Ocalan

Bi sedan şêniyên navçeyên Til Temir û Zirganê bi xwepêşandaneke girseyî tecrîda li ser Rêber Abdullah Ocalan û êrişên dewleta Tirk a dagirker ên li dijî herêmê şermezar kirin û got dê berxwedanê bidomînin.

ROJANE

20 ÇILE, 2024 16:16

HESEKÊ

Bi sedan şêniyên navçeyên Til Temir û Zirganê yên kantona Cizîrê li pêşiya Meclisa Malbatên Şehîdan a Til Temirê kom bûn.

Xwepêşandan ber bi dawiya Kolana Şehîd Omer Baravî ve bi rê ket.

Li wir, cîgirê hevseroketiya meclisa navçeyê Xidir El Elî bi navê meclisa navçeya Zirganê li ser jiyana Rêber Abdullah Ocalan û Komploya Navneteweyî ya li dijî wî axivî û êrişên dewleta Tirk a dagirker ên li dijî herêmê şermezar kirin û got: "Em ê bi yekrêzî li kêleka hêzên xwe bin û van êrişan têk bibin. Em bang li hêzên navneteweyî û hiqûqî dikin ku ji bo azadiya fîzîkî ya Rêber Abdullah Ocalan tev bigerin."

Endama Kongra Star a Til Temirê Ayhan Yûnis jî got: "Em di qonaxeke girîng û hestyar de ne, pêwîst e gelê herêmê rastiya van planên qirêjî baş bizane. Erdogan li hember gerîlayan têk çûye, ji ber wê jî hewl dide tola xwe ji gelê herêmê hilîne."

Xwepêşandan bi siloganên "Berxwedan jiyan e" bi dawî bû.

(mh)

ANHA