Li Şehbayê merasîma xiyabî ya şehîd Rênas Amed

Meclisa Malbatên Şehîdan a kantona Efrîn û Şehba ji bo şehîd Rênas Amed (Rênas Omar) merasîma xiyabî li dar xist.

Şehîd Rênas Amed û Serxwebûn Timoq di 16’ê Sibata 2024’ an de li  Herêmên Parastinê yên Medeyayê şehîd bûn.

Merasîm li pêşiya mala şehîd li gundê Helîsa hate lidarxistin.

Di merasîmê de endama rêveberiya Meclisa Malbatên Şehîdan a Efrîn û Şehba  Suriya Hebeş sersaxî da malbata şehîd û tevahiya şêniyên kantona Efrîn û Şehbayê û bal kişand ser soza ku gelê Bakur û Rojhilata Sûriyayê daye şehîdên xwe ku her tim peyama wan berxwedan e. Her wiha Suriya diyar kir ku dê hevrê û malbatên şehîdan têkoşîna wan bidomînin.

Her wiha  hevserokê Meclisa Rêveber a Kantona Efrîn û Şehbayê Ferhan Kobanê sersaxî da malbata şehîd û tevahiya şêniyên kantona Efrîn û Şehbayê û bal kişand ser têkoşînê û wiha got: “Zarokên vî gelî di oxira azadiyê de tê dikoşin û ji bo wê yekê cane xwe feda kirin. Her wiha em li ser felsefeya Rêber Apo têkoşîn dikin. Em hemû li pêy şopa şehîdên xwe ne. Em ê li hemberî dagirkeriyê têkoşîn û berxwedan bikin, da ku em azadiya bi dest bixin. Divê em xaka xwe biparêzin û têkoşîn bikin. Divê em rêya azadiyê û berxwedanê hilbijirin.”

Her wiha pismamê şehîd Rênas Amed Sîdar Efrîn axivî û wiha got: “Bi sedan Rênas hene, gelê me ji 7 salî heya 70 salî dê şopdarî rêya şehîdên xwe bin.”

Dûre wesîqeya şehadetê hat xwendin û radestî malbatê hat kirin.

(zş)

ANHA