Li 4 kantonan zêdetirî mîlyonek û 200 hezar îmze hatin komkirin

Komîteyên komkirina îmzeyan li kantonên Reqa, Tebqa, Dêrazor û Minbicê xebatên xwe li kantonan û gundewarên wan didomînin. Çaverê ye ku hemleya komkirina îmzeyan li van kantonan li dawiya meha Adarê bi dawî bibe.

MINBIC

Hemle di qonaxa duyemîn de li gundewarê Minbicê didome. Heta niha li xeta Farat a rojavayê Minbicê 70 hezar îmze hatine komkirin. Şêniyên gundewaran jî bi coşeke mezin tev li hemleyê dibin.

Girêdayî wê, hevseroka meclisa xeta Farat Helîme Cuma ji ajansa me re got: "Şênî bi coşeke mezin tev li hemleyê dibin. Xet û meclisên sivîl jî di vê hemleyê de erkê xwe baş pêk tînin."

Li gorî rêveberan heta niha li bajarê Minbicê 111 hezar û 600 îmze hatine komkirin.

REQA

Li kantona Reqayê komkirina îmzeyan li nav taxên bajêr bi asteke baş didome. Heta niha 600 hezar îmze hatine komkirin û hîn jî hemle didome.

Çaverê ye ku hemle heta dawiya vê Adarê bidome.

TEBQA

Li bajarê Tebqayê hemle bi dawî bû û 102 hezar îmze li bajêr hatin komkirin.

Komkirin li gundewarê kantonê didome û tê çaverêkirin ku heta dawiya vê Adarê bidome.

DÊRAZOR

Li kantoma Dêrazorê rêveberê hemleyê dan zanîn ku heta niha li kantonê 329 hezar û 208 îmze hatine komkirin.

Hemle li kantonê didome.

(mh)

ANHA