Gelê Sirînê şehîdê xwe Ebid Selamê oxir kir

Li Sirînê bi sedan şêniyan bi merasîmekê şehîd Ebid Selamê oxir kir.

ROJANE

8 nîsan, 2025 15:26

KOBANÊ

Şêniyên bajarê Sirînê yê kantona Firatê, şervanê QSD’ê şehîd Ebid Selamê (Ebdulmûxîs Selamê) ku 15`ê Çileyê li Bendava Tişrînê şehîd bûbû, bi merasîmeke girseyî li Pakrewangeha Şehîdan a Sirînê spart axê.

Li pakrewangehê piştî rêzgirtinê rêveberê Komîteya Têkiliyên Giştî Ezîz Ehmed axivî û got QSD’ê ji bo tevahî Sûriyeyê li ber xwe dide û wiha dewam kir: “Em şehîdên xwe oxir dikin, her şehîdek jî ji bo tevahî Sûriyeyê li ber xwe da. Tu ferq di navbera Kobanê û Helebê de tune ye, tu ferq di navbera peravên Sûriyeyê û Efrînê de tune ye, hemû axên Sûriyeyê ne. Di nava QSD’ê de pirrengî heye û em ê bi wê pirrengiya xwe bi ser bikevin.”

Endamê Desteya Kar û Barên Civakî ya Kantona Firatê Mihemed Receb jî got: “Şehîdên me bi xwîna xwe destan û dîrok ji nû ve nivîsandin. Wan bi destê xwe jiyaneke azad ji me re hilbijart. Em ê jî heta dawiyê li ser vê rêyê bin û em ê heta dawiyê jî xwedî li destkeftiyên wan derkevin."

Piştî axaftinan wesîqeya şehîd hat xwendin û radestî malbata wî kirin. Şehîd bi dirûşman spart axê.

(sş)

ANHA