Cozêf Ewn: Armanc ji nîqaşên bi Îsraîlê re şerekî din pêk neyê ye

Serokê Lubnanê diyar kir ku nîqaşên sivîl ên yekemîn ên di navbera Lubnan û Îsraîlê de "erênî" bûn û gava pêşîlêgirtina "şerekî duyemîn" e û dê gera bê di 19ˊê Kanûnê de dest pê bike.

4 kanûn, 2025 22:25

NAVENDA NÛÇEYAN

Serokê Lubnanê Cozêf Ewn îro diyar kir ku rûnitina nîqaşên destpêkê yên bi pêşengiya sivîl di navbera Îsraîl û Lubnanê de "erênî" bûn, divê xwe bispêrin wê da ku "kabûsa şerê duyemîn bi dûr bixin" û destnîşan kir ku rûniştina bê dê di 19ˊê Kanûnê de bê lidarxistin.

Di dawiya rûniştinê ya meclisa wezîran a li Qesra Komarê de, wezîrê ragihandinê Pol Merqes li ser zimanê Ewn da zanîn ku "Tiştekî asayî ye ku rûniştina destpêkê tu encamên zêde bi dest nexe, lê rê ji bo rûniştinên din vedike, ku wê di 19ˊê Kanûnê de dest pê bike".

Der barê metirsiyên Lubnanê ji rageşiya Îsraîlê ya mezin de, du nûnerên sivîl ên Lubnanî û Îsraîlî duh beşdarî komîteya ji bo şopandina agirbesta di navbera Îsraîl û Hizbullahê de bûn. Civîn li navenda Hêza Demkî ya NYˊyê ya li başûrê Lubnanê hat lidarxistin. Ev dan û standin ji çend salan ve yên yekser e di navbera her du welatan de dest pêkirin.