Cebhet El Ekrad di salvegera xwe ya 12ˋan de soza şopandina rêça şehîdan da

Fermandariya Giştî ya Hêzên Cebhet El Ekrad bi boneya salvegera 12ˋan a damezrandina xwe daxuyaniyek da.

Di daxuyaniyê de hat gotin Hêzên Cebhet El Ekrad di 22ˋyê Çileya 2013ˋyan de li hember zulma rejîma Baasˋê û desthilata Esedî hat damezrandin. Di hêzê de pêkhateyên ji herêma Şeba, Reqa, Minbic û Heleb bi Kurd, Ereb û Turkmenên xwe hene.

Di dirêjahiya 12 salan de Cebhet El Ekrad berpirsiyartiya parastina gel li hember zulmê hilgirt ser xwe, her wiha berpirsiyartiya rizgarkirina xaka Sûriyeyê ji qirêjiya Baasˋê û terorîstê hilgirt ser xwe.

Hêzên Cebhet El Ekrad di daxuyaniya xwe de diyar kir ku hêzên wê di 2013ˋyan de di rizgarkirina taxên Şêxmeqsûd û Eşrefiyê yên Helebê, şerê li herêma Lêremon û derdora bajarokên Nibul û Zehrayê, rizgarkirina herêmên Şehbayê cihê xwe girt. Cebhet El Ekrad li dijî terora DAIŞˋê di Odeya Operasyonên Volkana Firatê de cihê xwe girt û beşdarî hemleya rizgarkirina Kobanê û herêmên derdorê bû, tev li şerê Berxwedana Serdemê ya Efrînê bûye û di rizgarkirina Reqa, Girê Spî û Sirînê de beşdar bûye.

Di dawiyê de hat gotin hîna jî Hêzên Cebhet El Ekrad heta roja îro ji bo parastina vî gelî têkoşîna xwe didomîne û got ew şehîdên xwe ji bîr nakin û dê heta serkeftinê bi sozên dane şehîdan re bin.

(fr)