Bendên Hevpeymana Civakî ya nû di semînerekê de hatin şîrovekirin

Tevgerên jinan û rêxistinên civaka sivîl bendên Hevpeymana Civakî ya nû nîqaş kirin û destnîşan kirin ku ev bend, li gorî hêviyên sûriyeyiyan in û baweriyê di nava civakê de ava dikin.

ROJANE

5 sibat, 2024 15:33

QAMIŞLO

Meclisa Jinan a Sûriyeyê bi koordîneya Rêxistinên Jinan û Saziyên Civaka Sivîl, ji bo şîrovekirina bendên Hevpeymana Civakî ya nû ya Rêveberiya Xweseriya Demokratîk a Bakur û Rojhilatê Sûriyeyê semînerek li li navenda xwe ya li taxa Kornîş a Qamişloyê li dar xist.

Di semînerê de endama Komîteya Sazkirina Hevpeymanê û endama Koordînasyona Meclisa Jinan a Bakur û Rojhilatê Sûriyeyê Ebîr Hessaf axivî û û balkişand ser girîngiya hevpeymanê ji bo pêkhateyên herêmê.

Ebîr diyar kir ku hevpeyman a tevahî sûriyeyî ne û baweriyê di nav wan de ji nû ve ava dike.

Her wiha destnîşan kir ku hevpeyman, mafên tevahî pêkhateyên Sûriyeyê dabîn dike, pergaleke rêveberî û civakî ji bo birêvebirina herêmê di aloziyê de, ava dike.

Bi nêrîna Ebîr hevpeyman li gel rewşa heyî li Sûriyeyê, nexşerêya herî guncew a çareseriya siyasî ya li Sûriyeyê ye û Rêveberiya Xweser hêviya yekane ye.

Dûre, bendên hevpeymanê ya ku ji 4 beşan pêk tê bi hûrgulî hatin şîrovekirin.

(şx)

ANHA