Agirê Newrozê li Lubnanê hate dadan

Bi hezaran kurdistaniyên li Lubnanê û dostên wan ber bi herêma Multeqa El Nehrên a li Damûrê ve herikîn, ji bo ku tev li şahiya Newrozê bibin ku Komeleya Çandî ya Newrozê organîze kiriye. Partî, hêzên siyasî yên Lubnanê û komeleyên Kurd, tev li şahiyê bûn. 

Piştî dadana agirê Newrozê, gelek axaftin hatin kirin, di axaftinan de Newroz li gelên berxwedêr hate pîrozkirin û hate destnîşankirin ku teqez serkeftin dê bi dest bikeve û agirê Newrozê dê li hemberî dagirkeran her û her gur be.

Her wiha serokê Komeleya Newroz a li Lubnanê Cemal Hesen ji ajansa me re axivî û got: "Em bi hev re dijîn, hewl didin ku rêveberiyek û statûyek ji xwe re ava bikin ruxmî dagirkeran. Em bi hêvî ne, Rêber Abdullah Ocalan ji girtîgehên dagirkera Tirk azad bibe."

Seroka Komeleya Jinan a Jîn Buşra Elî jî got: "Newroz, vejîn e. Sembola serkeftina başiyê ye. Em pê bawer dikin û hêvî dikin ku azadî, aramî, wekhevî li welatê me vegere."

Li Lubnanê Newroz ji bo xurtkirina têkiliyên civakî û çandî di navbera kurd û civakên Lubnanê de û sepandina jiyana aştiyane firsendek e. Her wiha giyanê erênî û pêşbiniyê rave dike.

(şx)

ANHA