Şêniyên Helebê cenazeyê şehîd Welîd oxir kirin

Bi sedan şêniyên taxên Şêxmeqsûd û Eşrefiye yên bajarê Helebê cenazeyê şervanê YPG`ê Welîd Menan Temir (Welîd Zênb) ê ku di 4`ê Çileyê de şehîd bûye oxir kirin.

NÛÇE

5 ÇILE, 2020 15:14

HELEB-ARÊF SILÊMAN-SOLÎN REŞÎD

Bi sedan şêniyên taxên Şêxmeqsûd û Eşrefiye li ber nexweşxaneya Yasîn Yasîn a li taxa Şêxmeqsûd kom bûn û cenazeyê şervanê YPG`ê Welîd Menan Temir( Welîs Zêneb) wergirtin.

Karwana şehîd di nav berzkirina dirûşmeyên dilsoziya bi şehîdan re de û ber bi goristana gundê Pino ya li taxa Şêxmeqûs kete rê.

Li goristanê merasîm bi deqeyek rêzgirtin li gel torenek leşkerî ji hêla şervanên YPG û YPJ`ê ve destpê kir. Piştre hevseroka Meclisa Malbatên Şehîdan Aytan Reşo axivî û sersaxî ji malbata şehîd re xwest.

Aytan got, şehîdan rêya azadiyê ji tevahiya gelan re xêz kir, Efrîn, Serêkaniyê û Girê Spî wê bi xwîna şehîdan rizgar bibe.

Endama Meclisa Malbatên Şehîdan Zelîxa Qenber wesîqeya şehadeta şehîd xwend û radestî malbata şehîd kir.

Girseya gel cenazeyê şehîd di nav berzkirina dirûşmeyên dilsoziya bi şehîdan re de veşartin.

(şx)

ANHA