ˋDivê Sûriyeyeke mafên jinan misoger bike bê avakirinˊ

Komxebata Şêwirmendiyê ya Jinan ku Kongra Star li bajarê Hesekê yê kantona Cizîrê li dar xistiye dewam dike.

FATME EL ELÎ: DIVÊ JIN DI ALIYÊ SIYASÎ DE WERIN XURTKIRIN

Berdevka Meclisa Jinan a Partiya Sûriya Pêşerojê Fatme El Elî axivî û diyar kir ku ev komxebat dikare stratejiyên aktîv ji bo çareserkirina pirsgirêkên li hember jinên Sûriyeyê deyne.

Fatme got pêwîst e jin beşdarî destûra nû bin û di aliyê siyasî de werin xurtkirin, qaûnên ji bo parastina jinan ji tundî û nijdaperestiyê bên derxistin.

REZMIYE MIHEMED: WÊ SÛRIYE BI DESTÊ JINÊN SÛRIYEYÎ WERE AVAKIRIN

Hevseroka TEV-DEMˋê Remziye Mihemed li ser berxwedana jinan di eniyên şer de axivî û got: "Em şehîdên Parîsê û tevahî şehîdên xwe bi bîr tînin û silavên germ ji YPJˋê û QSDˋê re ku herêmê li dijî êrişên DAIŞˋê û êrişên dewleta Tirk a dagirker diparêzin, dişînin."

Rezmiye diyar kir ku wê Sûriye bi destê jinên endazyar bê avakirin, bi destê bijîşkan ewlehî bê belavkirin û bi pênûsa rewşenbîr û nivîskar û hunermendan dîrok bê nivîsandin.

ARZO TEMO: DIVÊ ZIHNIYETA BAVIKSALARÎ BÊ TÊKBIRIN

Rêveberiya Rêxistina Sara ya Têkoşîna Dijî Tundiya Ser Jinan Arzo Temo behsa tundiya li dijî jinan kir û got Şoreşa Rojava û Bakur û Rojhilatê Sûriyeyê li dijî tundiyê gaveke girîng bû.

AYŞE EFENDÎ BERXWEDANA JINA KURD SILAV KIR

Ayşe Efendî berxwedana jinan Kurd a bi dirêjahiya 40 salî silav kir û got Kobanê nakeve û bi saya jinên Kurd nexşeya şer hat guhartin û êriş hatin şikandin.

Çalakger Hêvî Reşîd jî behsa berxwedana xelkê Efrînê li dijî dagirkeriyê kir û got çeteyên dagirkeriyê li dijî Efrîniyan sûcên hovane kirin.

Dûre jinên ji Siwêda û Misrê bi rêya Zoomê beşdar bûn û axivîn. Wan teqezî bi rola jina Sûriyeyê di avakirina pêşeroja Sûriyeyê de kir.

(fr)

ANHA