Li Amûdê gel li dijî êrişan meşiya

Êrişên dagirkeriyê yên dewleta Tirk û çeteyên wê yên li ser Bakur û Rojhilatê Sûriyeyê, bi meşekê li Amûdê hatin şermezarkirin.

ROJANE

9 kanûn, 2024 15:12

QAMIŞLO

Endamên saziyên sivîl û bi sedan şêniyên bajar û gundewarên Amûdê bi meşekê êrişên dewleta Tirk a dagirker û çeteyên wê yên li ser Herêma Bakur û Rojhilatê Sûriyeyê şermezar kirin.

Şênî, ji Qada Jina Azad heya Qada Şehîd meşiyan û wêneyên zarokên di êrişên dagirkeran de şehîd û birîndar bûne, hildan.

Di meşê de pankartên "Bi rihê şerê gel ê şoreşgerî em ê dagirkeriyê têk bibin" û "Em dagirkerî, guhertina demografîk û qirkirina etnîk a li Efrînê şermezar dikin" hatin vekirin û dirûşmên "Bijî berxwedana Rojava" û "Na ji dagirkeriya Tirk re" hatin berzkirin.

Gireseya meşê li Qada Şehîd Cîhad sekinî û deqeyekê rêz hat girtin. Rêveberê Meclisa Bajarokê Topiz ê bajarê Amûdê Ebdullah Kenan axivî û got armanca dewleta Tirk a dagirker ji van êrişan têkbirina projeya Rêveberiya Xweseriya Demokratîk û qirkirina gelê Kurd e.

Ebdullah Kenan bal kişand ser bêdengiya hêzên navneteweyî ya li hemberî van êrişan jî û diyar kir ku ev hêz li pey berjewendiyên xwe ketine.

Ebdullah Kenan li dijî êriş û planên koçberkirinê banga yekitiyê li gel kir.

(bb)

ANHA