Bijîşkên ji Başûr koçberan tedawî dikin

Bi hevbeşiya Desteya Tendirûstiyê ya Rojavayê Kurdistanê û Heyva Sor a Kurd 19 bijîşkên ji bajarê Silêmaniyê û Hewlerê di 1’ê Sibatê de ji bo piştgiriya bi Rojava re derbasî Rojavayê Kurdistanê bûn. 

Piştî şandeya bijîşkan du rojan li bajarê Dêrikê li nava koçber û birîndaran geriya, duh derbasî bajarê Qamişloyê bûn, serdana Heyva Sor û Meclîsa Rêveber a Cizîrê kirin.

Bijîşkan îro bi hevkariya Heyva Sor a Kurd û Desteya Tendirûstiyê 5 tîm ava kirin û li nava dibistanên ku koçber tê de hatine bicihkirin geriyan.

Hevserokê Heyva Sor a Kurd Dilgeş Îsa diyar kir ku li ser bangawaziya wan tîmeke bijîşkên ji Başûr hatin Rojava û wiha axivî: “Bi koçberan û birîndaran re dibin alîkar. Nihek derman bi xwe re jî anîbûn. Heta niha bi rêya 15 kilînîkên gerok ên Heyva Sor di nava koçberan de digerin û koçberan tedawî dikin.

Yek ji bijîşkên di şandeyê de Serko Xalid diyar kir ku hêjmara koçberan pir e û nexweş jî pir bin, riska nexweşiyan heye taybet jî ji bo zarokan. Serko Xalid ew hewl didin van rîskan kêm bikin û alîkar bin û wiha berdewam kir: “Em dixwazin bêjin ku bijîşk dikarin bên herêmê û bibin alîkar.”

Bijîşkan koçberên nexweş tedawî kirin û derman dan koçberan.

(bî)

ANHA