Li Hesekê komxebata şermezarkirina komploya 9ʹê Cotmehê

Tevgera Ciwanên Şoreşger a Sûriyeyê û Yekitiya Jınên Ciwan li bajarê Hesekê yê kantona Cizîrê bi diruşma ʹBi rihê berxwedana cenga azadiyê bi ser bixin û Rêber Apo bi fîzîkî azad bikinʹ komxebatek li dar xist. Komxebat li xwaringeha Marbêla ya bajêr ji bo şermezarkirina komploya navneteweyî hat organîzekirin. Di komxebatê de endamên tevgerê û yekitiyê beşdar bûn.

Berdevka Tevgera Ciwanên Şoreşger a Sûriyeyê Ronahî Hisên û rêvebera tevgerê ya kantona Cizîrê Wedha Omer û rêveber Amed Baran komxebat bi rê ve birin.

Ronahî komploya navneteweyî ya li dijî Rêber Abdullah Ocalan, bandora komployê li ser doza Kurdî û dozên li Rojhilata Navîn şîrove kirin, her wiha behsa rola Tevgera Ciwanên Şoreşger di pêkanîna azadiya fîzîkî ya Rêber Abdullah Ocalan de kir.

Dûre Ronahî perspektîfên Rêber Abdullah Ocalan ên der barê rola bingehîn a ciwanan di şoreşê de xwendin. Piştre sînevîzyonek li ser komployê hat pêşkêşkirin.

 Beşdaran nêrînên xwe parve kirin. Di nêrînan de behsa çawaniya pêkanîna azadiya fîzîkî ya Rêber Abdullah Ocalan û binxistina komployê hat kirin.

Komxebat bi encamnameyan bi dawî bû û wiha ne: pirtûkên Rêber Apo di nava ciwanan de werin xwendin, tevgera ciwanan were birêxistinkirin ku herî bibandor û kalîteyî bin û ew jî bi rêya dewreyên dorveger û azadiya fîzîkî ya Rêber Apo armanca sereke be.

(fr)

ANHA