Peyareyên Hesekê tên sererastkirin

Şaredariya Gel a Hesekê dest bi sererastkirina peyareyên giştî yên bajêr kir.

HEMÛ NÛÇE

19 cotmeh, 2023 16:56

HESEKÊ

Şaredariya Gel a Hesekê dest bi paqijkirin û sererastkirin peyarêyan bajar kir. Piştî sererastkirinê li hin peyarêyan jî xebatên ronîkirinê dest pê kirin.

Der barê mijarê de, serokê Beşa Park û Jîngehê ya Şaredariya Gel a Hesekê Mihemed Xizêm diyar kir ku wan li gorî budceya şaredariyê û derfetên xwe dest bi sererastkirina peyarêyên kolanên Hesekê kir.

Li gorî Xizêm, xebatên sererastkirinê ji peyarêya Şeto heta çatrêya Ogarêt dest pê kir û îro jî ji peyarêya Çerxerêya Sînalko ya li taxa Til Hecer heta bi Parka Rêber Apo ya li taxa Nasirayê dest pê kirin

Xizêm destnîşan kir ku şaredariya 5 peyarê (Şeto, Çerxerêya Cûdî, Dêra Asûrî, Çerxerêya Sînalko, Qada Xeto heta bi Parka Rêber Apo) sererast kirin.

Mihemed Xizêm bang li xelkê bajêr kir ku parastina paqijî û xweşikbûna bajêr bikin.

Çaverê ye şaredarî peyarêyên li taxên rojhilatî bajar ên pêdiviya wan bi sererastkirin û paqijkirinê yên sererast bike.

(fr)

ANHA