Li dijî êrişan banga yekitiya nîştimanî hat kirin
Li Helebê êrişên dewleta Tirk a dagirker û bêdengiya hêzên navneteweyî hatin şermezarkirin û banga yekitiya nîştimanî hat kirin.
![Li dijî êrişan banga yekitiya nîştimanî hat kirin](https://hawarnews.com/kr/uploads/images/202310/173302_160127_2023-10-15-hlb-byan-alahzab-walwjhaa-hwl-alhjmat-28229.jpg)
Bertekên li hember êrişên dewleta Tirk a dagirker ên li dijî herêmên Bakur û Rojhilatê Sûriyeyê berdewam in.
Rûspî, nûnerên partiyên siyasî, endamên saziyên sivîl ên Helebê li qada Cibênat a li rojhilatê taxa Şêxmeqsûdê kom bûn û daxuyanî da.
Seroka Meclisa Partiya Sûriya Pêşerojê şaxê Helebê Xalîde Ebdo daxuyanî xwend.
Di daxuyaniyekê de êrişên dewleta Tirk a dagirker ên li dijî binesazî û navendên stratejîk ên Sûriyeyê, hatin şermezarkirin. Her wiha hat destnîşankirin ku ev êriş berdewama xeta dagirkerî, zordestî û siyaseta bindestkirina gelên herêmê û serdestiya dewletan e.
Di daxuyaniyê de êrişên li dijî navendên stratejîk wekî dagirkirin hat nirxandin û hate gotin, hêzên navneteweyî û rêxistinên mafên mirovan berpirsên êrişan in.
Di daxuyaniyê de bang li hêzên nîştimanî yên Sûriyeyê hat kirin ku li hember êrişan bibin yek.
(şx)
ANHA