​​​​​​​Li Bakur û Rojhilatê Sûriyeyê belavkirina mazotê dest pê kir

Komîteya Sotemeniyê ya Bakur û Rojhilatê Sûriyeyê dest bi belavkirina mazotê ya ji bo germkirinê, li malbatan kir. Mazot bi rêya kartên ku komîteyên sotemeniyê derdixe û bi hevkariya komînan tê belavkirin. Buhayê lîtreyekê bi 325 lîreyên Sûriyeyê ye.

Malbat belgeyên xwe yên taybet pêşkêşî komînê dike, komîn jî ji aliyê xwe ve belgeyên malbatan pêşkêşî Komîteya Sotemeniyê dike da ku kartan ji malbatê re derxe. Malbat dê bi rêya kartan mazotê werbigire.

Komîteyên sotemeniyê dest bi belavkirina mazotê li malbatên ku berê kart wergirtine, dike. Di heman demê de derxistina kartan didome.

Komîteyên sotemeniyê hişyarî da şêniyên ku nehêlin tu kes koda li ser kartan sexte bike, da ku para wan a mazotê neyê dizîn.

Komîteyên sotemeniyê diyar kir ku rêbazê belavkirinê wê mîna par be an ku dê carekê tenê were belavkirin.

(bb)

ANHA

<iframe width="560" height="315" src="https://www.youtube.com/embed/1ElnNIkzIOo?si=kf4pv-DGQqqMfJh5" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>