Rêvberiya Xweser a herêma Efrînê bang li gel kir ku li hemberî êrişan amade bin

Rêvberiya Xweseriya Demokratîk a herêma Efrînê îro daxuyaniyek da û tê de gefên dewleta Tirk ên dagirkirina Til Rifetê, şermezar kirin.  Daxuyanî li Kampa Berxwedan bi beşdarbûna bi dehan karkerên deste û saziyên Rêvberiya Xweser a herêma Efrînê hat xwendin.

Beşdaran pankertên bi nivîsên "Na ji bêdengiya navneteweyî li hember dagirkeriya Tirk li bakurê Sûriyê re " hildan.

Hevseroka Desteya Perwerd û Fêrkirinê ya Herêma Efrînê Bêrîvan Xelîl daxuyanî bi ziman kurdî, hevserokê Meclisa Rêvber a herêma Efrînê Bekir Elo jî bi zimanê erebî daxuyanî xwend.

Daxuyanî wiha ye:

"Dewleta Tirk a dagirker, bi xwarina gefan li dijminatiya xwe ya li dijî ax û gelê Sûriyeyê bi taybetî li dijî gelê Kurd dewam dike û bi armanca dagirkirina herêmên din ên Rêveberiya Xweser a Bakur û Rojhilatê Sûriyeyê, girseyên leşkerî ava dike û bi xwarina gefan li sivîlên bi darê zorê  ji herêmên dagirkeriya Tirkiyeyê koçber kirine û dûrxistina wan ji dozê ji xwe re dike hedef.

Hikumeta AKPʾê ya êrîşkar a rû bi rûyê krîzên navxweyî, aborî, demokratîk û derve, bi windakirina milê xwe yê terorîst ê ku DAIŞ’ê nûnertiya wê dike vediguherîne dewleteke zagonên navneteweyî binpê dike, bi destwerdana bi berdewamî di kar û barên dewletên herêmê de û xistina nav welatiyan a nakokiyê, piştgirî û perwerdekirina terorîzma navdewletî  ku cîhanê pê gefan lê dixwe.

Ketiye hewla wergirtina sûdê ji mijûlbûyîna cîhanê bi şerê Rûsya û Ûkraynayê re û bi birina êrîşan bi ser axa Sûriyeyê de dixwaze bala gelên Tirkiyeyê ji ser krîza aborî û demokratîk bibe û bide ser derve.

Bi hinceta avakirina herêmên ewle, bi vegerandina penaberên Sûriyeyî û bicihkirina wan li  welatekî ne welatê  wan ê resen e, herêmên ewle yên ku dewleta Tirk a dagirker îdîa dike, wê bibin herêmên ne ewle yên li Sûriyeyê û wê her alozî hebe da ku dagirkeriya Tirkiyeyê piştgirî û çekdarkirina rêxistinên terrorist dabîn bike û wan ji bo pêkanîna siyaseta xwe ya berfireh û tawankar bi kar bîne.

Dagirkirina Til Rifet û Şehbayê tê wateya vekirina rê li ber dagirkirina Heleba ku paytexta aborî ya Sûriyeyê ye û hewila Tirkiyeyê ji bo nuhkirina peymana Milî tevî ku bibe sedema karesateke mirovî û koçberkirina zêdeyê sed hezar kesên ku bi darê zorê ji axa xwe koçber bûne, û ev yek bang li me Sûriyeyiyan dike. Nexwe divê gel bibe seferber dijî gefên Tirkiyeya dixwaze li Sûriyeyê her alozî hebe.

Dewleta Tirk a dagirker ji bêdengiya navneteweyî û rêxistinên ku bi daxuyanî û helwestên şermok ên ku ne li gorî erkên li ser milên wan ên  qanûnên navneteweyî razî ye û li gorî hesasiyeta serdemê, nemaze  gefên ku pê aştî û ewlehiya herêmê û navneteweyî dikevin xeteriyê.

Daxwaza me ji civaka navneteweyî ew e ku bi erka xwe rabe, dawî li gefên dewleta Tirk a dagirker a hewildana çêkirina aloziyê û vekirina rê li ber vegerîna DAIŞê û zindîkirina rêxistina dewleta Îslamî ya terorîst (DAIŞ) ji nû ve bîne .

Banga me li gelê koçber ê Efrîn û Şehbayê ew e ku amade bin ji têkoşîn û berxwedana li dijî gef û êrîşên dagirkeriyê yên dewleta Tirk û rizgarkirina herêmên dagirkirî ji destê wê."

Daxuyanî bi sloganên silavkirina berxwedanê û şermezarkirina êriş û gefên dewleta Tirk a dagirker bi dawî bû.

ANHA