Xelk gazincê ji mekanîzmeya pevguhertina pereyan dikin

Li Qamişlo şênî li pêşiya nivîsgeha postê kom dibin û bi rojan li bendê dimînin ku pereyên kevn biguherîn in.

ROJANE

19 tebax, 2026 14:41

QAMIŞLO

MIHEMED NÛRÎ ELO

Şêniyên bajarê Qamişlo bi rojan li bendê dimînin ku pereyên xwe biguherînin, lê ji ber pevguhertina pereyan baş nayê birêxistin kirin û pereyên nû yên Sûriyeyê nayê peyda kirin hîna gelek welatiyan pereyên xwe yên kevn ne guhertine.

Asim El Ercûn got: "Welatî neçar diman ku çend rojan li benda dora xwe bimînin û navê xwe qeyd bikin. Ji xwe di rêxistinkirina dorê de pirsgirêk hebûn. Êvarî li pêşiya me 50-60 kes hene lê her kesek navê deh kesan qeyd dike û dor nagihîje me. Hinek kes bê karta qeydkirinê derbasî nivîsgeha postê dibin û pereyên xwe diguherînin."

Her wiha zehmetiyên xwe anî ziman û wiha axivî: "Min berî çend rojan hewl da ku pereyên xwe biguherînim lê bi destê min neket. Heke em nikarbin di vî wextê ku diyarkirine pereyên xwe yên kevn bugherînin gelo em ê çi ji pereyên xwe yên kevn bikin? Bazirgan û dikandar pereyên kevn ên Sûriyeyê nagirin û pereyên nû jî bi me re nînin. Em daxwaz dikin ku wextê ji pevguhertina pereyan re diyarkirine, dirêj bikin û hemû welatî bighîjin ku pereyên xwe biguherîn in."

(np)

ANHA