Mediyaya Erebî li ser nûavakirina Sûriyeyê û bilindbûna aloziya herêmî nivîsî

Medyayan Erebî îro bal kişandin ser girîngiya bicihkirina ji nû ve avakirina Sûriyeyê di nav projeyek neteweyî ya berfireh de û hişyarî dan li ser bandorên pevçûnek berfireh a di navbera Washington û Tehranê de û girîngiya hevrêziya Kendavê û Ereban.

"JI BO KU SÛRIYEYÎ JI NÛ VE AVAKIRINÊ JI BÎR NEKIN"

Rojnameya El Quds El Erebî, di gotarekê de, diyar dike ku têgeha ji nû ve avakirinê di nîqaşên li ser Sûriyeyê de hêdî hêdî ji bo veberhênanê tê paşguh kirin, her çend veberhênan dikare piştgiriyek ji bo pêvajoya ji nû ve avakirinê be, ne şûna wê.

Rojname hişyarî da ku ji nû ve avakirinê bi projeyên otêlan, navendên kirînê û milkên luks ve sînordar nebe û behsa ezmûna Solidere ya li Lubnanê kir, ku piştî şerê navxweyî li ser geştiyariyê û refaha xerîdaran sekinî.

Rojname balê dikişîne ser ezmûnên navneteweyî, di nav de yên Rwanda û Kolombiyayê, da ku girîngiya serweriya hiqûqê, serxwebûna dadweriyê, hawîrdorek qanûnî ya aram û girêdana veberhênanan bi afirandina kar û ji nû ve vejandina komên ku ji pevçûnan bandor bûne nîşan bide.

Rojname digihîje wê encamê ku ji nû ve avakirin ne tenê bi sererastkirina binesaziyê û vejandina aboriyê ve sînordar e, lê di heman demê de reformên siyasî û sazûmanî yên ku serxwebûna dadweriyê û veqetandina hêzan, garantîkirina azadiya raman û derbirînê, vejandina partiyên siyasî û diyaloga neteweyî û di dawiyê de nivîsandina destûrek nû ku bingehên dewletê û siberoja wê ji nû ve diyar dike, hewce dike.

HERÊM ÇAWA JI BO ALOZIYEK DI NAVBERA AMERÎKA, ÎRAN Û ALÎGIRÊN WAN DE AMADEKARIYÊ DIKE?

Rojnameya Lubnanî El Nahar bal kişand ser îhtîmala pevçûnek berfireh di navbera DYA`ê û Îranê de, ku dê herêmê bi pirsgirêkên ku ji qada leşkerî wêdetir diçin û ewlehiya civakan, aboriyan, bazirganiyê û enerjiyê jî di nav xwe de digirin, re rû bi rû bike.

Rojnameyê destnîşan kir ku tevgerên Hûsiyan, tevî êrişên li ser tesîsên Siûdî û gefên têkildarî Tengava Bab El Mandeb, bi berjewendiyên Îranê re li hev dikin, lê ev ne hewce ye ku îspat bike ku her operasyon ji hêla Îranê ve tê ferman kirin.

Rojnameyê bal kişand ser girîngiya xurtkirina hevrêziya Kendavê û Ereban, berfirehkirina hevkariya parastinê û parvekirina îstîxbaratê, parastina binesaziya girîng, misogerkirina berdewamiya xizmetguzarî û zincîrên dabînkirinê û hevrêzkirina bi Washingtonê re di derbarê armanc, çarçove û bandorên her çalakiyek leşkerî li ser welatên herêmê de.

(k)

ANHA