ROJEVA NAVENDA NÛÇEYAN A 18-11-2023
Hevserokê PJAK`ê Siyamend Mûînî pêngava cîhanî ya ji bo azadiya Rêber Abdullah Ocalan wekî giranbuha û bi nirx bi nav kir, her wiha girîngiya wê û sedemên xwedîderketina gelan li pêngavê nirxandin. (BI WÊNE)
Rêber Abdullah Ocalan diyar dike ku dewlet netewe pirsgirêkan çareser nake, lê belê kûrtir dike. Rêber Abdullah Ocalan dibêje: ′′ Eger di dewleta netewe de israr dewam bike, ev tê wê maneyê pirsgirêk û şer ê dewam bikin.′′ (BI WÊNE)
Jinek ku ji komkujiya Teqil Beqilê rizgar bûbû, bi van gotinan detayên komkujî vedigot: ′′Dema me birîndarên bombebarana Tirk a li ser stasyona kehrebeyê radikirin, ji nişka ve me dengê balafirên Tirk bihîst ku li ser cihî digeriya, piştre dest bi bombebaran kir. Parçeyên laşan li her cihî belav bûn. Heta sax bim detayên vê bûyerê ji bîr nakim." (BI WÊNE)
Helwesta dewleta Tirk ji şerê li Xezayê, bandora vî şerê li Lubnanê, her wiha bidawîbûna endamtiya Helbûs di parlamentoya Iraqê de, mijarên rojnameyên erebî yên hefteya borî bûn. (BI WÊNE)
Beşdarên dewreyên perwerdeyê yên Weqfa Jina Azad got ji dewreyên pêşxistina şarezahiyan gelekî sûdê werdigirin û şarezahiyên xwe yên pîşeyî xurt dikin. (BI WÊNE Û DÎMEN)
Li gele herêm û bajarên Bakur û Rojhilatê Sûriyeyê bi boneya 25′ê Mijdarê (Roja Têkoşîna dijî Tundiya ser Jinan) çalakî ji hêla rêxistin, nivîsgehên jinan tên lidarxistin. (BI WÊNE Û DÎMEN)
Xelkê herêma Firatê sersaxiyê dide şehîdê QSD′ê Ciwan Efrîn ê di encama bombebarana balafira bêmirov a dewleta Tirk a dagirker li gundê Boxaz ê başûrê Kobanê di 15′ê Mijdarê de şehîd bûbû, saet 10:00′an. (BI WÊNE Û DÎMEN)
Nivîsgeha Jin a TEV-DEM′ê bi boneya Roja Zarokan a Cîhanê li Parka Xwendinê ya Qamişloyê şahiyekê ji zarokan re li dar dixe, saet 11:00′an. (BI WÊNE Û DÎMEN)
Xelkê Reqayê cenazeyê yek ji endamên rêveberên Hêzên Têkoşîna Dijî Madeyên Hişbirê yên Hêzên Ewlekariya Hundirîn Fîras El Semran li goristana şehîdan a gundê Hikume oxir dike, saet 12:00′an. (BI WÊNE Û DÎMEN)
Meclisa Malbatên Şehîdan a Helebê ji gerîlayê HPG′ê Mezlûm Dijwar (Bekir Mihemed) re merasîmeke xiyabî li Qada Şehîdan a beşa rojava ya taxa Şêxmeqsûdê li dar dixe, saet 14:00′an. (BI WÊNE Û DÎMEN)
ANHA
