Projeyên pêşxistina aborî û derfetên kar li Tebqayê

Ji bo pêşxistina aboriya kantonê û peydakirina derfetên kar gelek proje li kantona Tebqayê têne lidarxistin. Yek jî projeya avakirina sûka bazirganiyê ya li taxa duyemîn a bajêr e.

CIVAK Û JIYAN

6 hezîran, 2024 07:35

TEBQA

Rêveberiya Xweseriya Demokratîk a kantona Tebqayê dest pê avakirina 70’ê dikanan ya sûka bazirganiyê a taxa duyemîn a bajarê Tebqayê kir.

projeyê ji 2023`yan ve ji alîyê Şaredariya bajarê Tebqa û bajarê Mensûre ve hatiye dest pêkirin di 2024`an de jî ev bû projeya sêyemîn e.

Şaredariya bajarê Tebqayê di Çileyê de avakirina 18 dikanan li sûka taxa yekmîn bi rûbara 480 metredam dest pê kir. Şaredariy bajarê El Mensûra jî di Sibatê de dest bi projeya xwe ya duyemîn ji bo avakirina 23 dikanan kir û di mijdara 2023`yan dest bi avakirina 92 dikanan kir.

Hevserokê Yekitiya Şaredariyan a kantona Tebqayê Ebdulhemîd El Ebdûlî, ji ajansa me re axivî got: "Em dixwazin bazirganiyê teşwîq bikin û pêş bixin, ji ber ku dê bi xwe re derfetên kar ji sedan şêniyên Tebqayê re peyda bike."

Rûbera her dikanekê li sûka taxa duyemîn a Tebqayê 24 metredam e.

El Ebdûlî destnîşan kir ku xebatên avakirina sûkên taxa yekemîn û Mensûre berdewam e û kargehên kar xebatên kolandinê li taxa yekemîn bi dawî kirine. Li Mensûreyê jî, xebatên avakriina dîwarên dikanan bi dawî bû ne.

(şx)

ANHA