Îranê nehişt cenazeyê sînamger Mensûr Kerîmiyan derbasî Rojhilat bibe

Sînemager Mensûr Kerîmiyan di 23’yê Kanuna 2023’yê de li bajarê Qamişloyê di encama êrişa dewleta Tirk a dagirker de şehîd bû.

Cenazeyê şehîd Mensûr Kerîmiyan di 30’ê Kanûna 2023’yan de ji Rojavayê Kurdistanê bi merasîmek girseyî ber bi Başûrê Kurdistanê ve hate oxirkirin.

Piştî cenaze gihişt Silêmaniyê, di 31’ê Kanûnê merasîma oxirkirina şehîd Mensûr Kerîmiyan li ber derê Sînemaya Salim a li bajarê Silêmaniyê, bi tevlîbûna dehan hunermend, nûnerên aliyên siyasî û xelkê Başûrê Kurdistanê bi deqeyek rêzgirtinê pêk hat. Piştî merasîmê cenazeyê şehîd Mensûr ber bi Rojhilatê Kurdistanê ve hate oxirkirin.

Dihat payîn, cenazeyê Şehîd Mensûr li warê wî bajarê Sine ya Rojhilatê Kurdistanê bihatiba veşartin. Lê rejîma Îranê nehêla cenaze derbasî Rojhilatê Kurdistanê bibe.

Ji bo vê jî malbatê biryar da di 7’ê Çileyê saet 10.30 cenazeyê Kerîmiyan li goristana Şêx Ebas ya li taxa Wilube ya Silêmaniyê bispêrin axê.

Şehîd Mensûr Kerîmiyan di sala 1984’an de li bajarê Sine ji dayîk bûye. Nêzî 20 sal warê sînemayê de kar kiriye. Du salin li Rojavayê Kurdistanê derhêneriya filman dike. Şehîd Mensûr di 23’yê Kanunê de di encama êrişa dewleta Tirk a dagirker li Qamişloyê de şehîd bû.